22.02.2026 | 17:28
Խոսակցություններ են տարածվում, որ մարտի 1-ից սկսած կանխիկ վճարումն ընդհանրապես արգելվելու է․ Բաբկեն Թունյանը պարզաբանում է
Պատճառը Ռուսաստանի ագրեսիան է․ Պոդոլյակը՝ Կուրսկում մարտերի մասին
Քաղաքականություն
08.08.2024 | 15:30
Ուկրաինայի նախագահի գրասենյակի ղեկավարի խորհրդական Միխայիլ Պոդոլյակն մեկնաբանել է ՌԴ Կուրսկի շրջանում տեղի ունեցող իրադարձությունները։
«Ցանկացած էսկալացիայի, հրետակոծության, ռազմական գործողությունների, հարկադիր տարհանման և կյանքի նորմալ ձևերի ոչնչացման հիմնական պատճառը, ներառյալ հենց Ռուսաստանի Դաշնության տարածքներում, ինչպիսիք են Կուրսկի և Բելգորոդի շրջանները, Ռուսաստանի ագրեսիան է: Սա ներառում է օտար տարածքներ զավթելու փորձերը և միջազգային իրավունքի նորմերի անտեսումը, որոնք հստակորեն պաշտպանում են ինքնիշխանությունն ու տարածքային ամբողջականությունը»,- գրել է Պոդոլյակը X-ի իր միկրոբլոգում։
Նա նշել է, որ «Ռուսաստանի ինքնաոչնչացում» հայեցակարգի հետևում կանգնած ճարտարապետը հայտնի է, նա ոչ այլ ոք, քան ինքը՝ ՌԴ նախագահ Վլադիմիր Պուտինն է:
«Ռուսաստանը հետևողականորեն կարծում է, որ իր նկատմամբ չեն գործում սահմանափակող իրավական նորմերը, ուստի նա կարող է անպատիժ հարձակվել հարևան երկրների տարածքների վրա և կեղծավորությամբ պահանջել սեփական տարածքի անձեռնմխելիություն»,- գրել է ուկրաինացի պաշտոնյան։
Օգոստոսի 6-ից Կուրսկի շրջանում մարտերը շարունակվում են Ուկրանայի ԶՈւ-ի և ռուսական բանակի միջև։
