07.11.2026 | 09:42
Հայաստանը, ԱՄՆ-ն ու Ադրբեջանը գործարկել են ԹՐԻՓՓ-ի եռակողմ տեխնիկական պլանավորման խմբերը
Tesla-ն Չինաստանից հետ է կանչում 1,68 մլն ավտոմեքենա
Քաղաքականություն
07.08.2024 | 22:17
Ամերիկյան Tesla-ն Չինաստանից հետ է կանչում 1,68 միլիոն էլեկտրական մեքենա՝ բեռնախցիկի բաց դռան մասին վարորդին զգուշացնելու հետ կապված խնդիրը լուծելու համար, հայտնում է Associated Press-ը՝ վկայակոչելով երկրի շուկայի կարգավորման պետական վարչության (SAMR) հայտարարությունը:
Հետկանչը կիրականացվի հեռահար ծրագրային թարմացման միջոցով և կազդի 2020-2024 թվականներին արտադրված մեքենաների վրա, մասնավորապես, չինական արտադրության Model 3-ի և Model Y-ի, ինչպես նաև ներմուծվող Model S-ի և Model X-ի վրա։
Կարգավորողի զեկույցում ասվում է, որ բեռնախցիկի դուռը կարող է ամբողջությամբ փակված չլինել, ինչի հետևանքով վտանգ կա, որ այն կբացվի ընթացքի ժամանակ։
Tesla-ի բաժնետոմսերը չորեքշաբթի նվազել են 0,7%-ով նախաշուկայական առևտրի ժամանակ։ Տարեսկզբից ընկերության կապիտալիզացիան նվազել է 19,3%-ով՝ հասնելով 641 մլրդ դոլարի։
