09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
Բաքուն հայտնել է 2022թ․ Լաչինում կորած ադրբեջանցի զինծառայողների մարմինները հայտնաբերելու մասին
06.08.2024 | 17:42
Հայտնաբերվել են 2022 թվականին Լաչինում անհետ կորած 2 ադրբեջանցի զինծառայողների մարմինները։ Այս մասին ասվում է Ադբեջանի Պետական անվտանգության ծառայության, Գլխավոր դատախազության ու Ռազմագերիների, պատանդների և անհետ կորած քաղաքացիների հարցերով պետական հանձնաժողովի համատեղ հաղորդագրությունում։
Ադրբեջանական լրատվամիջոցների հաղորդմամբ՝ 2024 թվականի հուլիսի 3-ին Քարավաճառի Ջերմաջուր ավանի արոտավայրում հայտնաբերվել են ադրբեջանական բանակի երկու զինծառայողների մարմիններ։
Փորձաքննությունն արդյունքում պարզվել է, որ դրանք ադրբեջանական բանակի զինծառայողներ Մամեդով Ֆարիդ Աջար օղլուի (23.05.2003) և Աբդուլլաև Ֆիրդովսի Մայիս օղլուի (02.09.2003թ.) աճյուններն են։
«Անցկացված համալիր միջոցառումների, դատաբժշկական հետազոտությունների արդյունքում պարզվել է, որ այդ զինծառայողներն անհետացել են 2022 թվականի մարտի 3-ին Լաչինի շրջանի բարձրադիր և դժվարանցանելի տեղանքում եղանակային պայմանների կտրուկ փոփոխության և ձնաբքի հետևանքով և մահացել են ցրտահարությունից»,-ասվում է հաղորդագրության մեջ։
