07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Իսրայելի ԱԳՆ-ն նկատողություն է փոխանցել Թուրքիայի փոխդեսպանին՝ ի հիշատակ Հանիեի դեսպանատան դրոշը իջեցնելու համար
Քաղաքականություն
02.08.2024 | 16:37
Իսրայելի արտաքին գործերի նախարար Իսրայել Կացը կանչել է երկրում Թուրքիայի փոխդեսպանին՝ նկատողություն փոխանցելու այն բանից հետո, երբ ի հիշատակ ՀԱՄԱՍ-ի սպանված առաջնորդ Իսմայիլ Հանիեի՝ Թել Ավիվում Թուրքիայի դեսպանատունը կիսով չափ իջեցրել է դրոշը։
«Ես հանձնարարել եմ ԱԳ նախարարության պաշտոնյաներին խիստ նկատողության կանչել Իսրայելում Թուրքիայի փոխդեսպանին Թել Ավիվում Թուրքիայի դեսպանատան մոտ թուրքական դրոշը իջեցնելուց հետո՝ ի պատասխան Իսմայիլ Հանիեի ոչնչացմանը։ Իսրայել պետությունը չի հանդուրժի սգո արտահայտություններ այնպիսի մարդասպանի համար, ինչպիսին Իսմայիլ Հանիեն էր, որը ղեկավարում էր ՀԱՄԱՍ-ը հոկտեմբերի 7-ի ոճրագործությունների ժամանակ և աղոթում էր իր համախոհների հետ՝ բարիք մաղթելով մարդասպաններին հեռուստացույցով սարսափելի տեսարանները դիտելիս: Եթե դեսպանատան ներկայացուցիչները ցանկանում են սգալ, նրանք պետք է գնան Թուրքիա և սգան իրենց տիրոջ՝ Էրդողանի կողքին, որն աջակցում է ահաբեկչական ՀԱՄԱՍ կազմակերպությանը և նրա սպանություններին ու ահաբեկչություններին»,- գրել է Կացը X-ի իր միկրոբլոգում։
Հավելենք, որ Թուրքիայի նախագահ Ռեջեփ Թայիփ Էրդողանը մեկօրյա համազգային սուգ է հայտարարել ՀԱՄԱՍ-ի քաղբյուրոյի ղեկավար Իսմայիլ Հանիեի մահվան կապակցությամբ։
Դրա հետ կապված Թել Ավիվում Թուրքիայի դեսպանատան և Երուսաղեմի՝ Պաղեստինի կողմից վերահսկվող հատվածում գլխավոր հյուպատոսության շենքի դրոշները կիսով չափ իջեցվել են։
Էմմա Չոբանյան
