15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ազատ արձակված բանտարկյալներն ինքնաթիռից հեռախոսազրույց են ունեցել օվալաձև կաբինետում գտնվող հարազատների հետ․ ՏԵՍԱՆՅՈՒԹ
Քաղաքականություն
02.08.2024 | 11:39
ԱՄՆ նախագահ Ջո Բայդենի վարչակազմը հրապարակել է ՌԴ-ի և Արևմուտքի միջև տեղի ունեցած փոխանակման շրջանակում ազատ արձակված քաղբանտարկյալների և հարազատների հեռախոսազրույցների տեսագրությունը։ Հեռախոսազրույցները տեղի են ունեցել այն ժամանակ, երբ ազատ արձակվածները դեռ ինքնաթիռում են եղել։
Տեսանյութում երևում է, որ Էվան Գերշկովիչի, Փոլ Ուիլանի, Ալսու Կուրմաշևայի և Վլադիմիր Կարա-Մուրզայի ընտանիքների անդամները շփվում են հարազատների և Միացյալ Նահանգների նախագահի հետ։
«Ես վստահ էի, որ կմեռնեմ բանտում։ Չեմ հավատում կատարվածին։ Ինձ դեռևս թվում է, թե քնած եմ Օմսկի բանտախցում՝ ձեր ձայնը լսելու փոխարեն։ Բայց ես ուզում եմ ասել, որ դուք հիանալի աշխատանք եք կատարել՝ փրկելով այդքան կյանքեր։ Կարծում եմ՝ այս ինքնաթիռում 16 հոգի ենք։ Ինձ չի թվում, որ աշխարհում շատ ավելի կարևոր բաներ կան, քան մարդկային կյանքեր փրկելը»,- ասել է ռուսաստանցի ընդդիմադիր գործիչ Վլադիմիր Կարա-Մուրզան։
