11.08.2026 | 18:39
Ոստիկանները բացահայտել են կայարանում կատարված ավազակությունը․ մեկ անձ ձերբակալվել է
«Հյուսիս-հարավ ճանապարհային միջանցք» ծրագիրն իրականացնող ընկերությունը խոսել չի ցանկանում
05.09.2018 | 19:20
ՀՀ գլխավոր դատախազությունը հայտարարություն է տարածել համաձայն որի՝ «Հյուսիս-հարավ ճանապարհային միջանցք» ծրագրի իրականացման գործընթացում 23.5 մլրդ դրամի չարաշահում է տեղի ունեցել։
Դեպքի առնչությամբ Factor.am-ը փորձեց մեկնաբանություն ստանալ ծրագիրն իրականացնող ընկերությունից․ «Քանի որ գործը գտնվում է նախաքննության փուլում, որևէ հարցազրույց կամ մեկնաբանություն տալ չենք կարող»,- Factor.am-ին ասաց «Տրանսպորտային ծրագրերի իրականացման կազմակերպություն» ՊՈԱԿ-ի հանրային կապերի և տեղեկատվության մասնագետ Լիլիթ Գրիգորյանը։
Դատախազության տարածած հաղորդագրության մեջ նշվում է, որ «Հյուսիս-հարավ ճանապարհային միջանցք» ծրագրի մշակման և իրագործման գործընթացում ներգրավված պաշտոնատար անձինք անհիմն, առանց վնասները գանձելու, համաձայնել են երկարաձգել շինարարության և խորհրդատվական ծառայությունների մատուցման ժամկետները: Առանձին դեպքերում խորհրդատվական ծառայությունների մատուցման պայմանագրերում սահմանելով ծառայությունների՝ իրավական ակտերով հաստատված առավելագույն չափից կրկնակի գին՝ նշված պայմանագրերի գնի և բովանդակության մեջ հետագայում անհարկի և անհիմն փոփոխություններ կատարելով բարձրացրել են գները, իսկ մատուցվող ծառայություններում ընդգրկել են ոչ անհրաժեշտ և կրկնվող աշխատանքներ: Արդյունքում խորհրդատվական ընկերություններին վճարվել են սահմանվածից ավելի գումարներ:
