07.11.2026 | 11:11
Նավթի գները նվազել են
ԱՄՆ Կոնգրեսի Հելսինկյան կոմիտեն Բայդենի վարչակազմին կոչ է արել պատժամիջոցներ սահմանել Բիձինա Իվանիշվիլիի նկատմամբ
Քաղաքականություն
31.07.2024 | 22:30
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
ԱՄՆ Կոնգրեսի Հելսինկյան հանձնաժողովը պետքարտուղար Էնթոնի Բլինքենին ուղղված նամակում կոչ է անում նախագահ Ջո Բայդենի վարչակազմին պատժամիջոցներ սահմանել Վրաստանի իշխող «Վրացական երազանք» կուսակցության պատվավոր նախագահ Բիձինա Իվանիշվիլիի նկատմամբ։
Նամակում, որը ստորագրել են կոնգրեսականներ Ջո Ուիլսոնը, Սթիվ Քոենը, Ռիչարդ Հադսոնը և Մարկ Վիսոնը, կոչ է արվում պետքարտուղարին «անհապաղ և վճռական» գործողություններ ձեռնարկել Վրաստանում տիրող իրավիճակի վերաբերյալ և պատասխանատվության ենթարկել երկրում «աճող ավտորիտար և հակաժողովրդավարական կառավարությանը» իր գործողությունների համար։
«Մենք կարծում ենք, որ եկել է Վրաստանում կոռուպցիայի և չար ազդեցության հիմնական կենտրոնների դեմ անհատական ֆինանսական պատժամիջոցների կիրառման գործընթացը սկսելու ժամանակը»,- ասվում է նամակում։
Որպես պատժամիջոցների հիմնական թիրախ նշվում են Բիձինա Իվանիշվիլին և նրա մերձավոր շրջապատը։
«Պետք է ակնհայտ լինի, որ Վրաստանում կոռուպցիայի և չար ազդեցության հիմնական գործակալները՝ կապված հակաարևմտյան տարրերի հետ, չեն կարողանա ազատ հարձակվել վրաց ժողովրդի ու նրա ժողովրդավարության վրա»,- ասվում է նամակում։
