09.09.2026 | 14:41
Իսրայելը կփակի Մեծ Բրիտանիայի հյուպատոսությունը Երուսաղեմում՝ ի պատասխան Լոնդոնի պատժամիջոցների
ՌԴ-ում գաղութից Գերմանիայի 19-ամյա քաղաքացի է անհետացել
Քաղաքականություն
30.07.2024 | 21:37
ՌԴ Արխանգելսկի շրջանի թիվ 14 ուղղիչ գաղութից անհետացել է Գերմանիայի և Ռուսաստանի 19-ամյա քաղաքացի Քևին Լիկը։ Այս մասին հայտնել է նրան աջակցող խմբի տելեգրամ-ալիքը, գրում է DW-ի ռուսական ծառայությունը։
«Քևինի մորը պատասխան է եկել Արխանգելսկի շրջանի դաշնային քրեակատարողական ծառայության հաստատություններ սնունդ առաքելու ծառայությունից գաղութում երիտասարդի բացակայության մասին»,- նշում է խումբը։
Մայրն այլ տեղեկություններ չի ստացել։
2023 թվականի դեկտեմբերին Լիկը Ադիգեայի Գերագույն դատարանի կողմից դատապարտվել է չորս տարվա ազատազրկման՝ պետական դավաճանության հոդվածով։ Ըստ քննիչների՝ երիտասարդը, իբր, «տեսողական դիտարկում է անցկացրել» և լուսանկարել Մայկոպում ռուսական զորքերի տեղակայման վայրերը, այնուհետև լուսանկարներն ուղարկել «օտար պետության ներկայացուցիչներին»։
Վերջին մի քանի օրերին հայտնի է դարձել, որ իրավապաշտպանների կողմից խղճի բանտարկյալ կամ քաղբանտարկյալ ճանաչված առնվազն հինգ մարդու Ռուսաստանի գաղութներից և քննչական մեկուսարաններից տարել են անհայտ ուղղությամբ։
Ուֆայում և Տոմսկում Ալեքսեյ Նավալնիի շտաբների նախկին ղեկավարներ Լիլիա Չանիշևան և Քսենիա Ֆադեևան, քաղաքական գործիչ Իլյա Յաշինը և իրավապաշտպան Օլեգ Օռլովը տարվել են «անհայտ ուղղությամբ»։ Նկարչուհի Սաշա Սկոչիլենկոյի հարազատներին էլ հայտնել են, որ աղջկան տեղափոխել են Մոսկվա։
