Հասարակություն
30.07.2024 | 17:00
«Հանրապետական շտապօգնության ծառայություն» ՓԲԸ տնօրեն Սահակ Հակոբյանին մեղադրանք է ներկայացվել, այս մասին Factor.am-ին հայտնեցին ՀՀ հակակոռուպցիոն կոմիտեից:
Իրավապահ կառույցից մանրամասնեցին, որ շտապօգնության ծառայության տնօրենին մեղադրանք է ներկայացվել զորակոչիկին բժշկական կեղծ ախտորոշման հիմքով պարտադիր ժամկետային զինվորական ծառայությունից ազատելու դիմաց առանձնապես խոշոր չափերով կաշառք ստանալու համար։ Հակակոռուպցիոն կոմիտեից նաև նշեցին, որ բացի տնօրենից, քննվող վարույթի շրջանակում մեղադրյալի կարգավիճակ ունի ևս երեք անձ, որոնց նկատմամբ որպես խափանման միջոց է կիրառվել կալանքը
