22.02.2026 | 22:33
Ձմեռային Օլիմպիական խաղերի մեդալային հաշվարկում Նորվեգիան հաղթեց ռեկորդով
ԱՄՆ-ը սկսել է տանկեր տեղափոխել Լեհաստան՝ ՆԱՏՕ-ի արևելյան թևն ուժեղացնելու համար
Քաղաքականություն
30.07.2024 | 18:22
ԱՄՆ-ը սկսել է Գերմանիայից զրահատեխնիկա տեղափոխել Լեհաստան՝ ՆԱՏՕ-ի արևելյան թևն ուժեղացնելու համար, հայտնում է Radio Zet-ը։
Զորավարժությունների շրջանակում ամերիկացի զինվորականները պատրաստվում են իրենց համար նախատեսված սարքավորումներն ու զինամթերքը գերմանական Մանհայմի ռազմաբազայից տեղափոխել Լեհաստանի Պովիձ քաղաքի բազա, որը գտնվում է Պոզնանի մոտ։
Նշվում է, որ Պովիձում պահեստները գտնվում են օդանավակայանի հարևանությամբ, դա հնարավորություն կտա, անհրաժեշտության դեպքում, զինամթերքի հետ միաժամանակ օդային ճանապարհով տեխնիկա տեղափոխել։
Ընդհանուր առմամբ, նախատեսվում է Պովիձում տեղակայել 87 տանկ, ավելի քան 150 հետևակի մարտական մեքենա և 18 ինքնագնաց հաուբից։ Սարքավորումները կտեղափոխվեն մինչև սեպտեմբերի վերջ։
«Այս տարածքում ամերիկյան զինվորականների և Լեհաստանի տարածաշրջանային իշխանությունների միջև շարասյուների տեղաշարժը համակարգվում է Լեհական բանակի շարժումների համակարգման կենտրոնի կողմից»,- պարզաբանել է Գնյեզնոյի շրջանի վարչակազմը։
Մինչ այս հայտնի էր դարձել, որ Լեհաստանի Սվիետոշով քաղաքում ավարտվել է բազայի կառուցումը, որտեղ կտեղավորվեն ավելի քան 1000 ամերիկացի զինվորականներ։ Ռազմական օբյեկտը կօգտագործվի արագ հավաքների, մատակարարումների և սարքավորումների ձեռքբերման համար՝ նախքան մարտավարական տարածք տեղափոխվելը, պարզաբանել է լեհ բրիգադային գեներալ Դարիուշ Մենդրալան։
Ավելի վաղ Լեհաստանի նախագահ Անջեյ Դուդան կոչ էր արել պատրաստվել Ռուսաստանի հետ պատերազմի՝ Ուկրաինայի պարտության դեպքում։
«Եթե մենք չպայքարենք ռուսական իմպերիալիզմի դեմ և չթուլացնենք [Ռուսաստանի նախագահ Վլադիմիր] Պուտինի դաժան շեղբը, ապա այս որկրամոլ հրեշն ավելի ու ավելի հեռուն կհարձակվի»,- ասել է Դուդան։
