09.09.2026 | 17:46
Գնաճը Հայաստանում 4.4% է․ միսը, ձուն, ծիրանն ու դիզվառելիքը զգալի թանկացել են
Իսրայելում զինվորականները հարձակվել են թուրքական TRT-ի լրագրողների վրա
Քաղաքականություն
26.07.2024 | 22:12
Իսրայելական ուժերը հարձակվել են Թուրքիայի պետական TRT Haber-ի լրագրողների խմբի վրա։ Թուրքական լրատվամիջոցը հայտնում է, որ լրագրողները նկարահանելիս են եղել Արևելյան Երուսաղեմի ալ-Աքսա մզկիթում ուրբաթօրյա աղոթքից առաջ իսրայելական ուժերի գործողությունները։
Իսրայելական զինվորականները նախ հարձակվել են պաղեստինցիների վրա Աքսայի դարպասի մոտ։ Այնուհետև նաև թիրախավորել են լրագրողական թիմին, որը նկարահանել է հարձակումը: Հարձակման հետևանքով վիրավորվել է օպերատոր Օմար Ավադը։
Իսրայելցի զինվորները բռնի ուժով խլել են TRT Haber-ի թղթակից Մյուջահիտ Այդեմիրի հեռախոսը և ջնջել հեռախոսի լուսանկարները։ Այնուհետև իսրայելական ուժերը տարածքից հեռացրել են TRT Haber-ի թիմին և թույլ չեն տվել հեռարձակում իրականացնել։
