30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ֆրանսիան հետաքննություն է սկսել գնացքների հետ կապված դիվերսիայի գործով
Քաղաքականություն
26.07.2024 | 23:15
Փարիզի դատախազությունը հետաքննություն է սկսել՝ Օլիմպիական խաղերի բացման արարողության օրը արագընթաց գնացքների (TGV) կանխամտածված խափանման փաստով։
«Փարիզի դատախազությունը կազմակերպված հանցավորության դեմ պայքարի ազգային իրավասության շրջանակներում 2024 թվականի հուլիսի 25-ի լույս 26-ի գիշերը SNCF-ի (Ֆրանսիայի ազգային երկաթուղային ընկերություն) օբյեկտներին դիտավորյալ վնասելու մի շարք դեպքերի քննություն է իրականացնում»,-ասված է Փարիզի դատախազության տարածած հայտարարության մեջ։
Հաղորդվում է, որ հետաքննություն է սկսվել ազգի հիմնարար շահերին վնաս պատճառող գույքը վնասելու, կազմակերպված խմբի կազմում տվյալների մշակման ավտոմատացված համակարգի խախտման փորձի և այդ իրավախախտումները կատարելու համար դավադրության փաստով։
Հիշեցնենք՝ ավելի վաղ Ֆրանսիայի ազգային երկաթուղիների ընկերությունը (SNCF) հայտնել էր, որ անցած գիշեր մի քանի հրկիզումներ են տեղի ունեցել։ Հարձակվողների գործողությունները հանգեցրել են լուրջ խափանումների երեք արագընթաց երկաթուղային գծերում։ Շատ գնացքներ երթևեկությունը հետաձգվել կամ չեղարկվել է։
