09.09.2026 | 11:48
ԱՄՆ-ն հայտնել է իրանական 5 լցանավերի ոչնչացման մասին․ Թեհրանը թիրախավորել է Հորդանանում ամերիկյան ռազմաբազան
Օլիմպիական խաղերի բացման օրը Ֆրանսիայում գնացքների երթևեկությունը խաթարվել է
Քաղաքականություն
26.07.2024 | 16:01
Անցած գիշեր մի շարք երկաթուղային գծերում դիտավորյալ հրկիզումներից հետո Ֆրանսիայի արագընթաց գնացքների (TGV) շարժը խոչընդոտվել է Օլիմպիական խաղերի բացման օրը, հաղորդում է DW-ն՝ վկայակոչելով Ֆրանսիայի ազգային երկաթուղիների ընկերության (SNCF) հաղորդագրությունը: Օլիմպիական խաղերի բացման արարողությունը Փարիզում տեղի կունենա այսօր երկոյան ։
«Այս գիշեր SNCF-ը դարձել է մի քանի միաժամանակյա չարամիտ հարձակումների թիրախ, որոնք ազդել են Ատլանտյան, Հյուսիսային և Արևելյան արագընթաց գնացքների գծերի վրա: Դիտավորյալ հրկիզումը կատարվել է մեր օբյեկտներին վնաս պատճառելու նպատակով», – ընկերության հայտարարությունը մեջբերում է հեռուստաալիքը։ Առավոտյան ընկերությունը հայտնել է, որ գնացքների տեղաշարժի խոչընդոտումն ազդել է շուրջ 800,000 ուղևորի վրա:
Փարիզի և Լիլի միջև հաղորդակցությունը դադարեցվել է վաղ առավոտից, գնացքների բնականոն երթևեկության վերականգնումը սպասվում է միայն հուլիսի 29-ին, ասվում է SNCF-ի կայքէջում։
Բացի այդ, հաղորդակցությունն ընդհատվել է Փարիզի և երկրի արևմուտքում գտնվող Տուր և Լը Ման քաղաքների միջև։ Նմանատիպ իրավիճակ է ստեղծվել նաև արևելյան ուղղությամբ։ SNCF-ը հայտնել է, որ «չարագործների ակտ» է կանխվել հարավարևելյան ուղղությամբ․ այնտեղ խափանումների մասին հաղորդումներ չեն եղել։
