09.09.2026 | 14:56
«Սուտ եք խոսում, Տավուշից Ադրբեջանին գյուղ չի հանձնվել»․ բանավեճ՝ Ղալումյանի և Ղազարյանի միջև․ ՏԵՍԱՆՅՈւԹ
ԵՄ-ն Ուկրաինային է փոխանցում ռուսական սառեցված ակտիվներից ստացված առաջին 1,5 միլիարդ եվրոյի հասույթը
Քաղաքականություն
26.07.2024 | 21:46
Եվրահանձնաժողովի ղեկավար Ուրսուլա ֆոն դեր Լեյենը հայտնել է, որ ուրբաթ օրը Եվրամիությունը Ուկրաինային կփոխանցի Ռուսաստանի Դաշնության Կենտրոնական բանկի սառեցված ակտիվներից ստացված առաջին 1,5 միլիարդ եվրոն, փոխանցում է BBC-ի ռուսական ծառայությունը։
X սոցիալական ցանցում ֆոն դեր Լեյենը գրում է, որ միջոցներն օգտագործվելու են «Ուկրաինան պաշտպանելու և վերականգնելու համար»։
«Կրեմլի փողերն օգտագործելու լավագույն խորհրդանիշը Ուկրաինան և Եվրոպան ավելի անվտանգ դարձնելն է»,- գրել է նա։
Ավելի վաղ արևմտյան երկրները հաստատել էին Ուկրաինայի ֆինանսավորման համար ռուսական սառեցված ակտիվների օգտագործման սխեման. Կիևը ստանում է 50 միլիարդ դոլարի վարկ, իսկ դրա տոկոսները կվճարվեն G7-ում արգելափակված Ռուսաստանի Կենտրոնական բանկի միջոցներից ստացված շահույթից։
Այս միջոցները չեն օգտագործվի արդեն իսկ կատարված ծախսերի փոխհատուցելու համար, ինչպես սովորաբար լինում է Ուկրաինայի աջակցության հիմնադրամի (UAF) դեպքում, այլ զենքի ուղղակի գնումների համար, ընդ որում այդ գումարի մեկ քառորդը ուղղվելու է ուկրաինական ձեռնարկություններին:
