01.11.2024 | 18:26
Թուրքիան ՌԴ-ից ներկրվող բնական գազի համար հատուկ գին է ցանկանում ստանալ
Կրեմլը չի բացառել Զելենսկու հետ բանակցությունների հնարավորությունը
Քաղաքականություն
25.07.2024 | 17:53
ՌԴ-ն կարող է Ուկրաինայի հետ բանակցությունների գնալ նախագահ Վլադիմիր Զելենսկու օրոք, սակայն «որոշակի պայմաններով»։ Այս մասին հայտարարել է Կրեմլի խոսնակ Դմիտրի Պեսկովը, գրում է ՌԻԱ Նովոստին։
«Հարցը հեշտ հարց չի։ Իրավական տեսանկյունից օրակարգային խնդիր է, բայց գործնական տեսանկյունից մենք բաց ենք բանակցությունների միջոցով հասնելու մեր նպատակներին, ուստի այստեղ հնարավոր են տարբեր տարբերակներ»,- ասել է նա։
Պեսկովի խոսքով՝ Ուկրաինայի նախագահը կարծես թե «կորցրել է լեգիտիմությունը»։ «Բացի լեգիտիմության ընդհանուր խնդրից, խնդիր կա նաև ռուսական կողմի հետ ցանկացած շփումների և բանակցությունների փաստացի օրենսդրական արգելքի հետ կապված։ Հետևաբար, դեռ շատ բաներ կան, որոնք պետք է հստակեցվեն, և մենք միասին պետք է որոշ բացատրություններ լսենք»,- ասել է Պեսկովը։
Անդրադառնալով Ուկրաինայի հետ հնարավոր բանակցությունների թեմային՝ Կրեմլի ներկայացուցիչը հավելել է, որ «Ռուսաստանն ընդհանուր առմամբ բաց է բանակցային գործընթացի համար, բայց նախ պետք է հասկանալ, թե որքանով է պատրաստ Ուկրաինան»:
Կիևը պատրաստ է Ռուսաստանի հետ բանակցությունների «որոշակի փուլում» և պայմանով․ Ուկրաինայի ԱԳՆ
