09.09.2026 | 15:23
Խանդանյանը` Բայրամովի հայտարարությունների մասին․ ՏԵՍԱՆՅՈւԹ
Ռուսաստանն ու Չինաստանն առաջին անգամ համատեղ ռմբակոծիչներ են ուղարկել Ալյասկա
Քաղաքականություն
25.07.2024 | 23:30
ՌԴ ու Չինաստանի ռմաբակոծիչներն առաջին անգամ համատեղ թռիչք են իրականացրել Ալյասկայի մոտ օդային տարածքում, հայտնում է CNN-ը՝ ԱՄՆ ՊՆ ներկայացուցչին հղումով։
Հյուսիսամերիկյան օդատիեզերական պաշտպանության հրամանատարության (NORAD) տվյալներով՝ ռուսական երկու Տու-95ՄՍ ինքնաթիռ և երկու չինական N-6 ռազմական ինքնաթիռներ մտել են Ալյասկայի հակաօդային պաշտպանության գոտի։ Դրանք, սակայն, մնացել են միջազգային օդային տարածքում և չեն մտել ԱՄՆ կամ Կանադային ինքնիշխան օդային գոտի։
Ինչպես նշել է Պենտագոնի ներկայացուցիչը, ռմբակոծիչները հետապնդվել են F-16 և F-35 կործանիչներով, ինչպես նաև կանադական CF-18 կործանիչներով։
«Ռուսաստանի և Չինաստանի այս գործունեությունը Ալյասկայի հակաօդային պաշտպանության գոտում սպառնալիք չի համարվում»,- ընդգծել է NORAD-ը, սակայն խոստացել է տարածաշրջանում «մրցակիցներին» պատասխանել «ներկայությամբ»։
Չինաստանի և Ռուսաստանի ռազմաօդային ուժերը կազմակերպել են «համատեղ ռազմավարական օդային պարեկություն» Բերինգի ծովի վրա՝ որպես տարեկան համագործակցության ծրագրի մի մաս, հայտնել է Չինաստանի պաշտպանության նախարարությունը։ Չինաստանի բանակի խոսնակ Չժան Սյաոգանգն ընդգծել է, որ սա 2019 թվականից ի վեր թվով ութերորդ նման պարեկությունն է։
