07.10.2026 | 18:47
Անհրաժեշտության դեպքում խստացված հսկողություն կկիրառենք․ Ավանեսյանը՝ ՌԴ-ում ժանտախտի բռնկման մասին
Ռուսաստանում առնվազն 40 գործ է հարուցվել օտարերկրացիների հետ համագործակցության համար
Քաղաքականություն
23.07.2024 | 19:44
Ռուսաստանում երկու տարուց քիչ ժամանակում առնվազն 40 քրեական գործ է հարուցվել օտարերկրացիների հետ, այսպես կոչված, կոնֆիդենցիալ համագործակցության վերաբերյալ, փոխանցում է VOA-ն։ Ուսումնասիրությունն իրականացրել է Север.Реалии կայքը՝ հիմնվելով բաց տվյալների վրա։
2022 թվականի հոկտեմբերից 41 անձի մեղադրանք է առաջադրվել ՌԴ ՔՕ 275.1 հոդվածով։ Մի քանի անձանց մեղադրանք է առաջադրվել մի շարք հոդվածներով, որոնք ներառում են «գաղտնի համագործակցության» դրվագ՝ նման դեպքերը նույնպես հաշվի են առնվել հաշվարկներում։ Ռուսաստանում «օտարերկրացիների հետ համագործակցության» դեպքերի վերաբերյալ պաշտոնական վիճակագրություն չկա։ Լրատվականի կողմից հարցված փաստաբանները նշում են, որ առաջին գործերը հարուցվել են 2022 թվականին, սակայն այդ տարի ոչ ոք չի դատապարտվել այս հոդվածով։
275.1 հոդվածը՝ «Գաղտնի համագործակցությունն օտարերկրյա պետության, միջազգային կամ օտարերկրյա կազմակերպության հետ» դարձել է Քրեական օրենսգրքի փոփոխությունների մաս, որը Վլադիմիր Պուտինը ստորագրել է 2022 թվականի հուլիսին։ Դրանք նախատեսում են «ռազմական գործողությունների պայմաններում» մի շարք հոդվածների խստացում՝ Ուկրաինա Ռուսաստանի շարունակվող ներխուժման ֆոնին։
