15.12.2025 | 10:45
«Ինտերը»՝ Իտալիայի Ա սերիայի առաջատար․ ՏԵՍԱՆՅՈՒԹ
Բայդենին ընտրապայքարից հրաժարվել համոզել են խորհրդականներից երկուսը. Politico
Քաղաքականություն
22.07.2024 | 22:48
ԱՄՆ նախագահ Ջո Բայդենը որոշել է երկրորդ ժամկետի համար չառաջադրվել իր երկու մերձավոր խորհրդականների՝ Մայք Դոնիլոնի և Սթիվ Ռիչետիի հետ խորհրդակցելուց հետո, հայտնում է Politico-ն՝ հղում անելով իր աղբյուրներին։ Ըստ հրապարակման՝ նրանք Բայդենին ներկայացրել են իրավիճակի վերաբերյալ տեղեկատվությունը, ինչից հետո նա որոշել է հանել իր թեկնածությունը։
Ինչպես հայտնում է CNN-ը, հուլիսի 20-ի առավոտյան Ջո Բայդենը Մայք Դոնիլոնին և Սթիվ Ռիչետիին հրավիրել է Ռեհոբոթ Բիչի (Դելավեր) իր նստավայր։ Այնտեղ Բայդենն ինքնամեկուսացման մեջ է՝ COVID-19-ի դրական թեստից հետո։ Հանդիպմանը, ինչպես գրում է Politico-ն, խորհրդականներն ԱՄՆ նախագահին պատմել են կոնգրեսականների մտահոգությունների մասին, ներկայացրել դրամահավաքի թարմացված վիճակագրությունը, իսկ վերջում ասել են, որ վերընտրվելու հնարավորություն չեն տեսնում։
Մայք Դոնիլոնի և Սթիվ Ռիչետիի հետ երկար խորհրդակցություններից հետո ԱՄՆ նախագահը տեղեկացրեց, որ որոշել է դադարեցնել քարոզարշավը։
