06.08.2026 | 20:10
Picsart-ի հիմնադիր Հովհաննես Ավոյանը պարգևատրվել է «Հայրենիքին մատուցած ծառայությունների համար» 2-րդ աստիճանի շքանշանով
Քամալա Հարիսը ռեկորդային գումար է հավաքել նախընտրական արշավի համար
Քաղաքականություն
22.07.2024 | 12:08
ԱՄՆ-ի Դեմոկրատական կուսակցության աջակիցներn ավելի քան 55 միլիոն դոլար են հավաքել երկրի փոխնախագահ Քամալա Հարիսի նախընտրական քարոզարշավի համար այն բանից հետո, երբ Ջո Բայդենը հայտարարեց նախագահական մրցապայքարից դուրս գալու մասին, գրում է Current time-ը։
Ըստ ActBlue դրամահավաքի հարթակի՝ Բայդենի հայտարարությունից հետո առաջին հինգ ժամում հանգանակվել է 27,5 մլն դոլար, իսկ մեկ օրից պակաս ժամանակում՝46,7 միլիոն դոլար, որն արդեն ռեկորդ է 2024 թվականի համար:
Ինչպես գրում է Politico-ն, միջոցների այս հոսքն արտացոլում է դեմոկրատների ոգևորությունը։ Հավաքված գումարը համեմատելի է հարթակի «երբևէ լավագույն օրերի» հետ, բայց դեռևս ցածր է 2020 թվականի ռեկորդից: Այդ ժամանակ ԱՄՆ Գերագույն դատարանի ամենատարեց անդամ Ռութ Բեյդեր Գինսբուրգի մահից հետո հավաքվել էր 70,6 մլն դոլար։
Հիշեցնենք, որ նախօրեին ԱՄՆ նախագահ Ջո Բայդենը հայտարարել էր նախագահական մրցապայքարից իր թեկնածությունը հանելու որոշման մասին և Դեմոկրատական կուսակցությանը առաջարկել Քամալա Հարիսի թեկնածությունը առաջադրել։
