23.04.2026 | 11:00
Կառավարության նիստը՝ ՈՒՂԻՂ
Բագրատ Գալստանյանը հայտարարել է, որ փոխում են մարտավարությունը․ սեպտեմբերին հանրահավաք է սպասվում
Հասարակություն
21.07.2024 | 17:06
«Սրբազան շարժում»-ը Գեղարքունիքի մարզում է: Նորատուս համայնքում Բագրատ Գալստանյանը հայտարարել է, որ փոխում են իրենց մարտավարությունը:
«Փոխվել է մեր մարտավարությունը, մինչև սեպտեմբեր հավաքագրման շրջանն է, իսկ սեպտեմբերի սկզբին տեղի կունենա մեծ հավաք»,– ասել է նա։
Հիշեցնենք, որ ՀՀ–ում բողոքի ակցիաներ սկսվեցին, երբ ապրիլի 19-ին հայտնի դարձավ, որ Երևանն ու Բաքուն պայմանավորվել են սահմանազատումը սկսել Տավուշի հատվածից։ Հայ–ադրբեջանական սահմանազատումից դժգոհ քաղաքացիները Բագրատ արքեպիսկոպոս Գալստանյանի գլխավորությամբ տևական ժամանակ ակցիաներ էին անում Տավուշի մարզում։ «Տավուշը հանուն հայրենիքի» շարժման անդամները մայիսի 4-ին Կիրանց գյուղից երթով եկան Երևան։ Մայիսի 9-ին նրանք հասան մայրաքաղաք ու Հանրապետության հրապարակում հանրահավաք տեղի ունեցավ։ Ակցիաններն ու հանրահավաքները շարունակվեցին Երևանում։ Հունիսի 12-ին ԱԺ–ի շենքի մոտ բախումներ տեղի ունեցան ոստիկանների և «Տավուշը հանուն հայրենիքի» շարժման անդամների ու կողմնակիցների միջև։ Ոստիկանությունը լուսաձայնային նռնակներ կիրառեց, ինչի հետևանքով 101 անձ վնասվածք ստացավ, այդ թվում` ոստիկաններ։
Դրանից հետո Բագրատ սրբազանը հայտարարեց, որ «Տավուշը հանուն հայրենիքի» շարժումը վերադասավորվում է, բայց հավաքները շարունակվելու են։
