01.11.2024 | 13:31
Թուրքական զենքը սպանում է ռուսներին․ Լավրովը՝ Անկարայի ու Կիևի ռազմական համագործակցությունը «տարակուսելի» է անվանել
Ռուսաստանը պետք է Ներկա լինի Ուկրաինայի հարցով խաղաղության հաջորդ գագաթնաժողովին․ Շոլց
Քաղաքականություն
20.07.2024 | 15:15
Գերմանիայի կանցլեր Օլաֆ Շոլցը կողմ է արտահայտվել Ռուսաստանին Ուկրաինայի հարցով խաղաղության հաջորդ համաժողովին հրավիրելու առաջարկին։ Այդ մասին նա հայտարարել է Դրեզդենում՝ Գերմանիայի Սոցիալ-դեմոկրատական կուսակցության նախընտրական միջոցառմանը․ գրում է DW-ի ռուսական ծառայությունը։
«Այս հարցի շուրջ արդեն շատ քննարկումներ են եղել, վերջինը՝ Շվեյցարիայում, որտեղ հավաքվել էին բազմաթիվ երկրներ, և ես շատ ուրախ եմ, որ Ուկրաինայի նախագահը ցանկանում է, որ Ռուսաստանը նույնպես ներկա լինի հաջորդ հանդիպմանը»,- ասել է Շոլցը։
Գերմանիայի կառավարության ղեկավարը վստահեցրել է, որ Բեռլինը պետք է և կաջակցի Ուկրաինային Ռուսաստանի դեմ նրա պաշտպանական պայքարում։ Նա հավելել է, որ միևնույն ժամանակ անհրաժեշտ է «ձգտել խաղաղության՝ աջակցելով խաղաղ բանակցություններին», բայց «ոչ Ուկրաինան կապիտուլյացիայի ենթարկելով»։
Միևնույն ժամանակ, Շոլցը կրկին սուր քննադատության է ենթարկել ՌԴ նախագահ Վլադիմիր Պուտինին՝ մեղադրելով նրան բազմաթիվ հայրենակիցների զոհաբերելու մեջ՝ հանուն Ռուսաստանի տարածքը «մի քանի քառակուսի մետրով» ընդլայնելու։
«Գրեթե 400 հազար մարդ իր կյանքը տվեց Պուտինի իմպերիալիստական երազանքի համար»,- ասել է Շոլցը։
