01.11.2024 | 17:27
Փաշինյանի գլխավորությամբ քննարկվել է 2024-2026 թթ. Ոստիկանության ոլորտի բարեփոխումների ռազմավարական ծրագրի նախագիծը
Զելենսկին ժամանել է Մեծ Բրիտանիա
Քաղաքականություն
18.07.2024 | 14:35
Ուկրաինայի նախագահ Վլադիմիր Զելենսկին պաշտոնական այցով ժամանել է Մեծ Բրիտանիա, նրա ինքնաթիռը վայրէջք է կատարել թագավորական ռազմաօդային ուժերի բազաներից մեկում, գրում է BBC-ի ռուսական ծառայությունը։
«Եվրոպական տարածքի երկրները չորրորդ անգամ են հավաքվում Եվրոպական քաղաքական համայնքի գագաթնաժողովում՝ քննարկելու ընդհանուր թեմաներն ու մարտահրավերները։ Ես ժամանել եմ Մեծ Բրիտանիա՝ մասնակցելու գագաթնաժողովին, գործընկերների հետ երկկողմ հանդիպումներին և անվտանգության նոր համաձայնագրերի ստորագրմանը»,- գրել է նա Telegram-ում։
Նա նշել է, որ Մեծ Բրիտանիայի հետ Ուկրաինայի հարաբերությունների վերաբերյալ առանձին ծրագիր կա։
«Ես կհանդիպեմ Նորին Մեծություն թագավոր Չարլզ III-ի, վարչապետ Քիր Սթարմերի, պաշտոնյաների և պաշտպանական ընկերությունների ղեկավարների հետ»,- հավելել է Ուկրաինայի նախագահը։
