05.03.2026 | 22:25
Հրաձգության Հայաստանի հավաքականը 4-րդն է Եվրոպայի առաջնության մեդալային հաշվարկում
Թբիլիսիում բացվեց Արևելյան գործընկերության եվրոպական դպրոցը, որն առաջինն է իր տեսակի մեջ
Հասարակություն
04.09.2018 | 20:02
Թբիլիսիում իր դռներն է բացում Արևելյան գործընկերության եվրոպական առաջին դպրոցը
Վրաստանի մայրաքաղաք Թբիլիսիում այսօր բացվեց Արևելյան գործընկերության եվրոպական դպրոցը, որն առաջինն է իր տեսակի մեջ. տեղեկացնում է Հայաստանում ԵՄ պատվիրակության մամուլի պատասխանատուն:
Լինելով Արևելյան գործընկերության «2020 թվականի համար 20 թիրախային արդյունքներ»-ից մեկը, այն ԵՄ Արևելյան գործընկեր վեց երկրներից ուսանողներին կապահովի նորարարական ուսումնական ծրագրով՝ միաժամանակ խթանելով բազմամշակութային փոխանակումներին և համագործակցությանը:
Այսօր Արևելյան գործընկերության եվրոպական առաջին դպրոցն իր դռները բացեց Հայաստանը, Ադրբեջանը, Բելառուսը, Վրաստանը, Մոլդովայի Հանրապետությունը և Ուկրաինան ներկայացնող 30 աշակերտի առջև: Ուսումնական տարվա մեկնարկը նշանավորվեց ԵՄ հանձնակատար Յոհանես Հանի և Վրաստանի վարչապետ Մամուկա Բախտաձեի կողմից Եվրոպական դպրոցի պաշտոնական բացմամբ:
Եվրոպական հարևանության քաղաքականության և ընդլայնման բանակցությունների հարցերով ԵՄ հանձնակատար Յոհանես Հանն ասաց. «Ես անչափ հպարտ եմ Արևելյան գործընկերության եվրոպական դպրոցի բացման նպատակով Թբիլիսիում գտնվելուս առթիվ: Այս նախագիծն իմ սրտին անչափ մոտ է: Այն նշանավորում է ԵՄ–ի և նրա Արևելյան գործընկերների միջև համագործակցության նոր հանգրվանը: Երիտասարդներին որակյալ կրթություն առաջարկելը ներդրում է ուսանողների, նրանց երկրների ու մեր ամուր և կայուն գործընկերության ապագայի ուղղությամբ: Դպրոցի բացումը նաև վերահաստատում է մեր վճռականությունը՝ հասնելու «2020 թվականի համար 20 թիրախային արդյունքներ»-ին, որոնք Արևելյան գործընկերության առանցքում են և շոշափելի օգուտներ կբերեն քաղաքացիներին»:
