21.02.2026 | 15:55
Վրաստանը Ադրբեջանից Հայաստան նավթամթերքի տեղափոխման համար խորհրդանշական գին է սահմանել
ԱՄՆ-ում դատարանը կարճել է Թրամփի դեմ գաղտնի փաստաթղթերի անօրինական պահման վերաբերյալ գործը
Քաղաքականություն
15.07.2024 | 20:09
ԱՄՆ Ֆլորիդա նահանգում դատարանը կարճել է գաղտնի փաստաթղթերի անօրինական պահման համար ԱՄՆ նախկին նախագահ Դոնալդ Թրամփի դեմ հարուցված գործը։ CNN-ի փոխանցմամբ՝ գործը կարճվել է դաշնային շրջանային դատավոր Էյլին Քենոնի կողմից։
Դատավորը որոշման մեջ նշել է, որ այդ գործով հատուկ խորհրդական Ջեք Սմիթի նշանակումը խախտում է Սահմանադրությունը:
Ըստ հրապարակման՝ Քենոնի որոշումը, որին Թրամփը պաշտոնում նշանակել է 2020 թվականին, հանում է ամենակարևոր իրավաբանական խնդիրներից մեկը, որը ծառացած էր ԱՄՆ նախկին նախագահի առջև։ Իրավունքի ոլորտի շատ մասնագետներ գաղտնի փաստաթղթերի պահման վերաբերյալ գործը համարում էին 4 գործերից ամենաուժեղը, որոնք հարուցվել էին ընդդեմ ԱՄՆ նախկին նախագահի։
CNN-ը հիշեցնում է, որ անցյալ տարի Սմիթը Թրամփին մեղադրել է գաղտնի փաստաթղթերը Սպիտակ տնից տանելու և նյութերը վերադարձնելու՝ կառավարության փորձերին դիմակայելու մեջ: Նա իրեն մեղավոր չէր ճանաչել:
