07.10.2026 | 16:20
Հայաստանի Կիոկուշին կարատեի ֆեդերացիան կանցկացնի «Սամուրայ» մրցաշարը
Կրեմլը «բացարձակապես անընդունելի» է համարում Պուտինի մասին Բայդենի հայտարարությունները
Քաղաքականություն
12.07.2024 | 15:47
ԱՄՆ նախագահ Ջո Բայդենի անհարգալից հայտարարությունները ՌԴ նախագահ Վլադիմիր Պուտինի հասցեին անընդունելի են և հարիր չեն ամերիկյան պետության ղեկավարին։ Այս մասին լրագրողների հետ ճեպազրույցում ասել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ-ը։
«Մենք նախկինի պես համարում ենք բացարձակ անընդունելի ու անթույլատրելի երկրի ղեկավարի պահվածքը, երբ նա այդքան անհարգալից է խոսում այլ երկրների ղեկավարների մասին։ Ես նկատի ունեմ նրա հայտարարությունները՝ կապված նախագահ Պուտինի հետ։ Մեզ համար դա անընդունելի է։ Մենք գտնում ենք, որ դա հարիր չէ ամերիկյան պետության ղեկավարին։ Դա այն է, ինչին մենք անմիջական ուշադրություն ենք դարձնում և մեզ համար բացարձակապես անընդունելի է»,-հայտարարել է Պեսկովը։
Նշենք, որ խոսքը ՆԱՏՕ-ի գագաթնաժողովից հետո հրավիրված մամուլի ասուլիսում Բայդենի ելույթի մասին է, որի ժամանակ նա Պուտինին անվանել է «արյունարբու խելագար»։
