11.08.2026 | 09:43
Արմավիրի մարզում 2026-ի առաջին կիսամյակում սպանության, սպանության փորձի և ավազակության բոլոր դեպքերը բացահայտվել են. ՆԳՆ
Պատերազմը լուծում չէ, ռումբերն ու հրթիռները չեն կարող խաղաղություն ապահովել․ Հնդկաստանի վարչապետը՝ Պուտինին
Քաղաքականություն
09.07.2024 | 21:23
Հնդկաստանի վարչապետ Նարենդրա Մոդին ՌԴ նախագահ Վլադիմիր Պուտինի հետ հանդիպման ժամանակ հայտարարել է, որ իր երկիրը պատրաստ է ցանկացած օգնության՝ Ռուսաստանի և Ուկրաինայի միջև խաղաղություն հաստատելու համար, գրում է Meduza-ն։
Ըստ «Ինտերֆաքս»-ի՝ նա նշել է, որ «պատերազմը լուծում չէ»։
«Որպես ձեր ընկեր՝ ես ձեզ միշտ ասել եմ, որ խաղաղությունը պարտադիր է ապագա սերունդների պայծառ ապագայի համար, ուստի մենք կարծում ենք, որ պատերազմը լուծում չէ: Լուծումը չի կարող լինել պատերազմով։ Ռումբերը, հրթիռներն ու հրացանները չեն կարող ապահովել խաղաղություն, ուստի մենք շեշտը դնում ենք երկխոսության վրա»,- ասել է Մոդին։
Ըստ նրա՝ Պուտինի հետ նախօրեին ունեցած զրույցի ժամանակ «լավատեսություն է զգացել» և «հույսեր են առաջացել ապագայի նկատմամբ»։ Մոդին նշել է, որ «լսել է» Ռուսաստանի նախագահի դիրքորոշումը և նրա «դրական տեսակետները»։
Հնդկաստանի վարչապետը նաև ասել է, որ «ամեն ոք, ով հավատում է մարդկությանը, ցավ է զգում, երբ մարդիկ մահանում են, հատկապես, երբ մահանում են անմեղ երեխաներ»:
«Երբ մենք նման ցավ ենք զգում, մեր սրտերը պարզապես կոտրվում են, և ես երեկ հնարավորություն ունեցա խոսել այդ հարցերի շուրջ»,- հայտարարել է Նարենդրա Մոդին։
