07.10.2026 | 16:58
Ալիևը զանգահարել է Պուտինին
Ֆրանսիայում մեկնարկել է խորհրդարանական ընտրությունների երկրորդ փուլը
Քաղաքականություն
07.07.2024 | 12:05
Ֆրանսիայում բացվել են ընտրատեղամասերը Ֆրանսիայի խորհրդարանի Ստորին պալատի արտահերթ ընտրությունների երկրորդ փուլի քվեարկության համար։
Քվեարկության արդյունքում կորոշվի նաև Ֆրանսիայի հաջորդ վարչապետը, ով, ամենայն հավանականությամբ, կգա այն կուսակցությունից կամ կոալիցիայից, որը կստանա ամենաշատ մանդատները․ հաղորդում է France24-ը։
Երկրի եվրոպական տարածքում քվեարկությունը կտևի առավոտյան ութից մինչև երեկոյան վեցը։ Խոշոր քաղաքներում ընտրատեղամասերը կարող են բաց լինել մինչև 20 ժամ՝ կախված ընտրողների հոսքից։
Առաջին փուլում մասնակցությունը ռեկորդային էր և գերազանցեց 66%-ը։
Երկու փուլով՝ հունիսի 30-ին եւ հուլիսի 7-ին, ֆրանսիացիներին անհրաժեշտ է ընտրել 577 պատգամավորի, ովքեր իրենց շահերը կներկայացնեն երկրի խորհրդարանում։
Հիշեցնենք՝ Ֆրանսիայի նախագահ Էմանուել Մակրոնը հունիսի 9-ին ցրեց խորհրդարանը և արտահերթ ընտրություններ նշանակեց հունիսի 30-ին և հուլիսի 7-ին, երբ Եվրախորհրդարանի ընտրություններում Մակրոնի «Վերածնունդ» լիբերալ կուսակցությունը ծանր պարտություն կրեց ծայրահեղ աջական «Ազգային միավորմանը»։
