22.02.2026 | 11:28
Առնվազն 10 հազար փոս ենք լցրել, միայն աղը չի պատճառը. քաղաքապետարանի շինբարեկարգման վարչության պետի ժ/պ․ ՏԵՍԱՆՅՈւԹ
Էրդողանի փոխարեն Շուշի է մեկնել Թուրքիայի ԱԳ նախարարը
Քաղաքականություն
05.07.2024 | 19:14
Թուրքիայի նախագահ Ռեջեփ Թայիփ Էրդողանի փոխարեն Արցախի Շուշի քաղաք է մեկնել երկրի ԱԳ նախարար Հաքան Ֆիդանը՝ մասնակցելու Թյուրքական պետությունների կազմակերպության ոչ պաշտոնական գագաթնաժողովին։ Ադրբեջանական լրատվամիջոցների հաղորդմամբ՝ Ֆիդանին արդեն ընդունել է Ադրբեջանի նախագահ Իլհամ Ալիևը։ Այլ մանրամասներ չեն հաղորդվում։
Այսօր ավելի վաղ Ալիևը Շուշիում ընդունել էր ինքնահռչակ Հյուսիսային Կիպրոսի Թուրքական Հանրապետության նախագահ Էրսին Թաթարին։
Հավելենք, որ հուլիսի 5-6-ն Ադրբեջանը Շուշիում անցկացնելու է Թյուրքական պետությունների կազմակերպության ոչ պաշտոնական գագաթնաժողովը։ Միջոցառմանը մասնակցելու են նաև Ղազախստանի, Ղրղզստանի, Ուզբեկստանի նախագահները, Հունգարիայի վարչապետը։
Գագաթնաժողովին մասնակցության մասին հայտնել էր նաև Թուրքիայի նախագահ Ռեջեփ Թայիփ Էրդողանը, սակայն նա չեղարկել է այցը ու կմեկնի Գերմանիա՝ Թուրքիա-Նիդերլանդներ ֆուտբոլային հանդիպմանը ներկա գտնվելու։
Էմմա Չոբանյան
