30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վիկտոր Օրբանը պատերազմի սկզբից ի վեր առաջին անգամ Ուկրաինա է ժամանել
Քաղաքականություն
02.07.2024 | 11:35
Հունգարիայի վարչապետ Վիկտոր Օրբանը հուլիսի 2-ին ժամանել է Կիև՝ Ուկրաինայի նախագահ Վլադիմիր Զելենսկիի հետ բանակցությունների։ Այս մասին հայտնել է Հունգարիայի կառավարության ղեկավարի մամուլի ծառայության ղեկավարը, փոխանցում է DW-ի ռուսական ծառայությունը։
Օրբանը և Զելենսկին մտադիր են քննարկել խաղաղության հասնելու հնարավորությունները և հունգարա-ուկրաինական երկկողմ հարաբերություններին վերաբերող ընթացիկ հարցեր, Reuters-ին հայտնել են Բուդապեշտից՝ ի պատասխան գրավոր հարցման:
Ավելի վաղ էլ Financial Times-ն էր հայտնել Օրբանի՝ Ուկրաինա նախատեսվող այցի մասին՝ վկայակոչելով երեք իրազեկ աղբյուրների։
Սա Հունգարիայի վարչապետ Օրբանի առաջին այցն է Ուկրաինա՝ 2022 թվականի փետրվարին ռուսական լայնամասշտաբ ներխուժումից և պատերազմի մեկնարկից ի վեր։ Հունգարիան հուլիսի 1-ից վեց ամսով ստանձնել է ԵՄ Խորհրդի նախագահությունը։
Օրբանը և Զելենսկին վերջերս կարճ բանակցություններ են անցկացրել Բրյուսելում ԵՄ գագաթնաժողովում, մինչ Ուկրաինայի ղեկավարը դիմում էր ԵՄ առաջնորդներին՝ կոչ անելով մեծացնել իր երկրին ռազմական օգնությունը:
Լիտվայի ԱԳՆ-ի համաձայն՝Հունգարիան արգելափակել կամ շարունակում է արգելափակել Ուկրաինայի վերաբերյալ Եվրամիության որոշումների 41 տոկոսը։ Բուդապեշտն այժմ հրաժարվում է Կիևին հատկացնել 6,6 միլիարդ եվրոյի ռազմական օգնություն ԵՄ հիմնադրամից։
Բացի այդ, Բուդապեշտը չի մասնակցի Ուկրաինային ՆԱՏՕ-ին աջակցության ընդլայնման պլանավորմանը։
