11.08.2026 | 12:20
Մեսին բաց կթողնի «Ինտեր Մայամիի» առաջիկա խաղերը
Ադրբեջանի և Իսրայելի ԱԳ նախարարները հեռախոսազրույց են ունեցել․ քննարկվել է նաև ՀՀ-ի հետ խաղաղության գործընթացը
Քաղաքականություն
01.07.2024 | 21:40
Ադրբեջանի ԱԳ նախարար Ջեյհուն Բայրամովը հեռախոսազրույց է ունեցել Իսրայելի արտաքին գործերի նախարար Իսրայել Կացի հետ։ Ադրբեջանի ԱԳՆ-ի փոխանցմամբ՝ կողմերը քննարկել են երկու երկրների միջև համագործակցության ներկա վիճակը և հեռանկարները, միջազգային և տարածաշրջանային խնդիրներ, Գազայի շուրջ ստեղծված իրավիճակը։
Բայրամովն ընդգծել է Գազայում շուտափույթ հրադադարի հասնելու, երկու կողմերի խաղաղ բնակիչների մահը կանխելու և իսրայելա-պաղեստինյան հակամարտության խաղաղ կարգավորման կարևորությունը։ Հեռախոսազրույցի ընթացքում քննարկվել են 2024-2026 թվականներին Ասիայի փոխգործակցության և վստահության միջոցների խորհրդի՝ Ադրբեջանի նախագահության շրջանակում իրականացվող աշխատանքներն ու ծրագրերը։
Բայրամովը Կացին մանրամասն տեղեկացրել է տարածաշրջանում տիրող իրավիճակի և իրողությունների, Արցախում «իրականացվող լայնածավալ վերականգնման և շինարարական աշխատանքների», ինչպես նաև հայ-ադրբեջանական խաղաղության գործընթացի մասին։
Նշվել է նաև, որ Բաքվում COP29-ի անցկացման շրջանակում երկու երկրների միջև համագործակցության լրացուցիչ հնարավորություն է ստեղծվել։
