16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Հաագայի դատարանը հետաձգել է Նեթանյահուի կալանավորման օրդերի տրամադրումը
Քաղաքականություն
28.06.2024 | 15:20
Միջազգային քրեական դատարանի նախաքննական տրիբունալը հետաձգել է որոշման կայացումը այն մասով՝ արդյո՞ք թույլ կտա ՄՔԴ դատախազ Քարիմ Խանին կալանավորել վարչապետ Իսրայելի վարչապետ Բենիամին Նեթանյահուին և պաշտպանության նախարար Յոավ Գալանտին ենթադրյալ ռազմական հանցագործությունների համար, գրում է The Jerusalem Post-ը։
Սա պայմանավորված է նրանով, որ Անգլիան, որպես «դատարանի բարեկամ», հունիսի 10-ին դիմում է ներկայացրել Իսրայելի նկատմամբ ՄՔԴ իրավասության վերաբերյալ մեկնաբանությունների համար։
ՄՔԴ-ն բավարարել է Մեծ Բրիտանիայի խնդրանքը, նաև այլ երկրների իրավունք է տվել նախապես դիտողություններ ներկայացնել։ Ժամանակ է տրվել մինչև հուլիսի 12-ը։
Մայիսի 20-ին Միջազգային քրեական դատարանի դատախազ Քարիմ Խանը հայտարարել էր, որ պահանջել է կալանավորման օրդերներ տալ Իսրայելի վարչապետ Բենիամին Նեթանյահուի, պաշտպանության նախարար Յոավ Գալանտի և ՀԱՄԱՍ-ի երեք առաջնորդների համար։
Դատարանը հայտարարել էր, որ Նեթանյահուն և Գալանտը քրեական պատասխանատվություն են կրում Գազայի հատվածում կատարված ռազմական հանցագործությունների և մարդկության դեմ հանցագործությունների համար:
