24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
ԼՂ-ն Հայաստա՞ն է․ Զախարովան հակասում է Պուտինին. ՏԵՍԱՆՅՈՒԹ
Քաղաքականություն
26.06.2024 | 21:45
ՌԴ ԱԳՆ ներկայացուցիչ Մարիա Զախարովան հերթական ճեպազրույցում ուշագրավ հայտարարություն է արել՝ անդրադառնալով ՀՀ ԱԽ քարտուղար Արմեն Գիրիգորյանի դիտարկմանը, թե Ռուսաստանն է Լեռնային Ղարաբաղը հանձնել Ադրբեջանին։
«Որպես իշխանության ներկայացուցիչներ՝ նման գործիչները ստորացնում են սեփական ժողովրդին։ Հայաստանի քաղաքացիները պաշտպանեցին իրենց տարածքը, տվեցին իրենց կյանքը և սա համարեցին պատմական կարևորություն։ Հայաստանի՝ որպես պետության գաղափարախոսությունը երկար տարիներ կառուցվել է հենց այս թեզերի վրա։ Նրանք գիտեին, թե ինչու են գնում մարտի, ինչու են զոհաբերում իրենց բարեկեցությունը, իրենց կանանց ու երեխաներին դատապարտում այրիության ու որբության։
Եվ ինչպես կարելի է նրանց հիշատակը դավաճանել այդքան ցինիկ կերպով՝ զրոյացնել այն, ինչ նախկինում և, կարծում եմ, հիմա Հայաստանում սխրագործություն էին անվանում»,- ասել է Զախարովան։
Այս համատեքստում ուշադրության է արժանի Զախարովայի «պաշտպանեցին իրենց տարածքը» ձևակերպումը, ինչը, փաստորեն, հակասում է ՌԴ պաշտոնական դիրքորոշմանը։
Հիշեցնենք, Վլադիմիր Պուտինը մեկ անգամ չէ, որ հայտարարել է, թե Ադրբեջանը վերադարձրել է տարածքներ, որոնք Ադրբեջանը և ողջ միջազգային հանրությունը համարում էր ադրբեջանական տարածք։
Մանրամասները՝ տեսանյութում։
