09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Ալիևի կուսակցությունը պաշտոնապես հանդես է եկել խորհրդարանը ցրելու և արտահերթ ընտրություններ անցկացնելու նախաձեռնությամբ
Քաղաքականություն
20.06.2024 | 19:51
Հունիսի 20-ին տեղի է ունեցել Ադրբեջանի նախագահ Իլհամ Ալիևի ղեկավարած «Յենի Ադրբեջան» կուսակցության վարչության հերթական նիստը։ Տեղական լրատվամիջոցների հաղորդմամբ՝ հանդիպմանը միաձայն որոշում է կայացվել իշխող կուսակցության պատգամավորների կողմից Միլլի Մեջլիսի լուծարման կապակցությամբ դիմել Ադրբեջանի նախագահին։
Կուսակցության նախագահի տեղակալ Թաիր Բուդաղովը հայտարարել է, որ 2024 թվականի նոյեմբերին COP29-ի ընթացքում, ըստ Սահմանադրության պետք են տեղի ունենա Մեջլիսի հերթական ընտրությունները։
«Կարևոր է և՛ ընտրությունների, և՛ նշված միջոցառումների կազմակերպվածության բարձր մակարդակ ապահովել։ Բացի այդ, անհրաժեշտ է հաշվի առնել տվյալ ժամանակահատվածում երկրի խորհրդարանի լիարժեք գործունեության իրագործելիությունը։ Մենք գտնում ենք, որ ստեղծված պայմաններում Միլլի Մեջլիսը, առաջին պլան մղելով պետության շահերը, պետք է նախաձեռնի խորհրդարանը ցրելու և արտահերթ ընտրություններ անցկացնելու համար»,- ասել է նա։
Այսօր ավելի վաղ նշել էինք, որ տեղի է ունեցել Ալիևի կուսակցության փակ հանդիպում, որի ժամանակ քննարկվել է ընտրությունների հարցը։
Ադրբեջանական Թուրան գործակալության աղբյուրների հաղորդմամբ՝ Ադրբեջանի Միլլի Մեջլիսի հունիսի 21-ի արտահերթ նստաշրջանում ակնկալվում է որոշում ընդունել խորհրդարանի լիազորությունների վաղաժամկետ դադարեցման և արտահերթ խորհրդարանական ընտրություններ նշանակելու մասին։
Էմմա Չոբանյան
