Շոկային վիճակում էի․ միգուցե, նռնակի տեսքը ծանոթ լիներ, չվերցնեի․ ձեռքը վնասած քաղաքացին մանրամասներ է պատմել

Լուրեր

17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
17.11.2026 | 17:54
Կատարը նախազգուշացրել է՝ Իրանի հարձակումը Բահրեյնում ԱՄՆ ռազմաբազայի վրա սպառնում է խաղաղ բանակցություններին
17.11.2026 | 17:45
Ընկերությունները կարող են քրեական պատասխանատվության ենթարկվել, նույնիսկ եթե հանցանք կատարած անձը հայտնի չէ․ ԱՆ-ի նոր առաջարկը
17.11.2026 | 17:37
ՔՊ-ից մի հոգի է ցավակցություն հայտնել․ Նարեկ Կարապետյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
17.11.2026 | 17:17
«Վերահաստատեցինք՝ համեղ ծիրանները հայկական են»․ դեպի ԵՄ երկրներ հայկական արտադրանքի արտահանումն աճում է․ Միրզոյանը հանդիպել է Մաթա Կոսի հետ
17.11.2026 | 17:07
Հայաստանի Մ-17 հավաքականը ոչ-ոքի խաղաց Լյուքսեմբուրգի հետ. ՏԵՍԱՆՅՈՒԹ
17.11.2026 | 17:00
Երևանի փողոցներում լքված գույքը կտեղափոխվի հատուկ տարածք․ սեփականատերերին 6 ամիս ժամանակ կտրվի՝ այն հետ պահանջելու համար
17.11.2026 | 16:52
Սկսվել է «Տիգրան ջան, սիրուն չի» օպերացիա. Գևորգ Ստեփանյան․ ՏԵՍԱՆՅՈՒԹ
Բոլորը

Հունիսի 12-ին ոստիկանության կիրառած լուսաձայնային նռնակի պայթյունի հետևանքով աջ ձեռքի դաստակը վնասած Եսայի Քարամյանը դեռ շարունակում է բուժումը։ Քարամյանը Factor.am-ի հետ զրույցում մանրամասներ պատմեց միջադեպից։

Եսայի Քարամյանի խոսքով՝ երբ ԱԺ-ի մոտ իրավիճակը սրվել է և ոստիկանները լուսաձայնային նռնակներ են նետել, ինքը Բաղրամյան փողոցում է եղել, ոչ թե այն հատվածում, որտեղ պայթյունն է եղել։

«Երբ սկսեցին լուսաձայնային նռնակներ կիրառել, ես նկատեցի, որ դա մարդկանց մեջ են գցում, որոնց ոտքերի տակ են պայթում։ Մարդկանց էս իմ ինչ քանակություն չկար, իմ գնահատականով,  մոտ 15-20 հոգի էր։ Սկսեցին բառիս բուն իմաստով ռմբակոծել։ Մարդկանց գոռոցներ լսվեց, ենթադրեցի՝  վիրավորներ կան, փորձել եմ ընդամենն առաջանալ և հասկանալ՝ կարող եմ ինչ- որ մեկին օգնել, թե՝ ոչ։ Ինձանից շատ մոտ հեռավորության վրա մի քանի նռակներ պայթեցին։ Շոկային վիճակ էր․ կանգնած ես ու չես հասկանում՝ ինչ է կատարվում, ինչու ես այստեղ։ Այդ պահին այդքան էլ ադեկվատ չէի»,- մանրամասնեց մեր զրուցակիցը։

Եսայի Քարամյանը պատմեց, որ ոստիկանների կողմից նետված նռնակն իր ձեռքում է պայթել, բայց հերքում է, թե ոստիկանների ուղղությամբ է փորձել հետ շպրտել։

«Նռնակն ընկել է իմ ձախ ոտքի թաթի մոտ, կռացել, վերցրել եմ, բայց չեմ գիտակցել, թե՝ ինչ եմ անում։ Ես չէի հասկանում ընդհանրապես որտեղ եմ, ինչ է կատարվում։ Տպավորություն էր՝ երազում եմ, այդպիսի շոկային վիճակ էր։ Մինչև այդ դեպքը, ես լուսաձայնային նռնակ նույնիսկ նկարով չեմ տեսել, չգիտեմ՝ ինչ տեսք ունի, միգուցե, եթե տեսքը ծանոթ լիներ, ձեռք չտայի։ Ենթադրում եմ, այդ պահին վտանգ չեմ զգացել,  էդ խառը, կիսաշշմած վիճակում, դրա համար եմ վերցրել։ Հիմարություն է ասել, որ վերցրել եմ ինչ-որ մեկի վրա շպրտել։ Որևէ մարդու ուղղությամբ նետելու ոչ ցանկություն է եղել, ոչ մտադրություն, այդ պահին բնազդաբար են եղել գործողությունները»,- ասաց նա։

Դեպքի հաջորդ օրը նռնակի պայթյունից տուժած քաղաքացու առողջական վիճակից խոսել էր վարչապետ Նիկոլ Փաշինյանը։

«Քաղաքացին վիրահատվել է, և նրա ձեռքերի մատներից երեքը հեռացվել են, ինչի համար ցավում եմ, բայց նաև տեսանյութերից ակնհայտ դարձավ, որ քաղաքացին ինքը գետնից վերցրել է ոստիկանների նետած հատուկ միջոցը, որը կյանքի համար անվտանգ է, և որը պայթել է նրա ձեռքի մեջ»,- ասել էր վարչապետը։

Եսայի Քարամյանը Փաշինյանի այն հայտարարությունը, թե իր երեք մատներն են միայն վնասվել, շահարկում է որակում։

«Տեսանյութում էլ երևում է, որ ամբողջ դաստակը ջնջխված է՝ վարդի պես բացված։  Այս պահին երկու մատը՝ ճկույթի և միջնամատի հետ կա, բայց շատ վատ վիճակում են, մի կերպ կտորներով հավաքել են բժիշկները։ Մատների հետագա աշխատանքը շատ խիստ կասկածի տակ է, մատները դժվար հետո կարողանան լիարժեք աշխատել:  Մնացած երեք մատները՝ ճկույթից և մատնեմատից բացի, ոչ միան  արմատից են կտրված, այլև՝ ափի կեսը ընդհանրապես գոյություն չունի։ Իսկ բութ մատն իր հիմքով արմատից կտրված է եղել, բժիշկներն ինչ- որ կերպ, շյուղերով  հավաքել են։ Կարելի է ասել՝ աջ ձեռքի դաստակը համարյա գոյություն չունի»,- ներկայացրեց ոստիկանության նետած նռնակից տուծած քաղաքացին։

Հիշեցնենք՝ հունիսի 12-ին «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը քաղաքացիներին ԱԺ շենքի մոտ հրավիրել էր հավաքի՝  կառավարության և վարչապետ Փաշինյանի հրաժարականի պահանջով։

Ազգային ժողովում զուգահեռ տեղի էր ունենում ԱԺ-Կառավարություն հարցուպատասխանը, որին մասնակցում էր նաև Փաշինյանը։ Բողոքի ակցիայի ընթացքում իրավիճակը լարվել էր և ոստիկանների ու ցուցարարների միջև բախումներ էին սկսվել։ Ոստիկանությունը հատուկ միջոցներ էր կիրառել, ինչի հետևանքով 101 տուժած քաղաքացի ու ոստիկան կա։  Քննչական կոմիտեն բախումների առթիվ քրեական վարույթ է նախաձեռնել։ Եսայի Քարամյանը հայտնեց, որ ինքն այդ գործով ներգրավված է որպես վկա։

Նա նաև նշեց, որ դեպքից ութ օր անց Առողջապահության նախարարի տեղակալն է ցանկություն հայտնել իրեն տեսակցելու։ Նա, սակայն,  փոխնախարարի հետ տեսակցելու անհրաժեշտություն չի տեսնում։ Դեպքից մեկ օր անց Մարդու իրավունքների պաշտպան Անահիտ Մանասյանն է  հեռախոսազրույց է ունեցել ակցիայի ժամանակ ձեռքի և մարմնի այլ հատվածներում վնասվածքներ ստացած Եսայի Քարամյանի կնոջ՝ Նաիրա Սահակյանի հետ։

Մանյա Պողոսյան