07.10.2026 | 18:47
Անհրաժեշտության դեպքում խստացված հսկողություն կկիրառենք․ Ավանեսյանը՝ ՌԴ-ում ժանտախտի բռնկման մասին
Փոխադարձ օգնություն ռազմական ագրեսիայի դեպքում․ Պուտինը՝ Կիմ Չեն Ընի հետ ստորագրած պայմանագրի մասին
Քաղաքականություն
19.06.2024 | 14:55
Ռուսաստանի և ԿԺԴՀ-ի միջև ստորագրված Համապարփակ ռազմավարական գործընկերության համաձայնագիրը նախատեսում է օգնություն ագրեսիայի դեպքում։ ՌԻԱ Նովոստիի փոխանցմամբ՝ այս մասին Փհենյանում Կիմ Չեն Ընի հետ բանակցություններից հետո ասել է Վլադիմիր Պուտինը։
«Այսօր ստորագրված համապարփակ գործընկերության համաձայնագիրը, ի թիվս այլ բաների, նախատեսում է փոխադարձ օգնության տրամադրում այս համաձայնագրի կողմերից մեկի դեմ ագրեսիայի դեպքում»,- ասել է նախագահը։
Պուտինի խոսքով՝ Մոսկվան և Փհենյանը վարում են անկախ արտաքին քաղաքականություն և չեն ընդունում շանտաժը։ ՌԴ ղեկավարը պարզաբանել է, որ Ռուսաստանը չի բացառում ստորագրված փաստաթղթի համաձայն ԿԺԴՀ-ի հետ ռազմատեխնիկական համագործակցությունը։
Իր հերթին, Կիմ Չեն Ընը հաստատել է, որ համաձայնագիրը ենթադրում է համագործակցության զարգացում, այդ թվում՝ ռազմական ոլորտում։
