07.10.2026 | 16:30
ԱԺ-Կառավարություն հարցուպատասխանը՝ ՈՒՂԻՂ
Չինաստանի ԱԳՆ-ն ՆԱՏՕ-ին կոչ է անում «գործնական քայլեր ձեռնարկել» Ուկրաինայում պատերազմը դադարեցնելու համար
Քաղաքականություն
18.06.2024 | 21:37
Չինաստանի ԱԳ նախարարության խոսնակ Լին Ցզյանը կոչ է արել ՆԱՏՕ-ին «դադարեցնել մեղքը բարդել» ուրիշների վրա և «գործնական որևէ բան անել Ռուսաստանի և Ուկրաինայի միջև հակամարտության քաղաքական կարգավորման համար», հաղորդում է BBC-ի ռուսական ծառայությունը։
Երկրի ԱԳՆ-ն այսպես է արձագանքել ՆԱՏՕ-ի գլխավոր քարտուղար Յենս Ստոլտենբերգի հայտարարությանը, որ եթե Չինաստանը չփոխի իր քաղաքականությունը Ուկրաինայի դեմ Ռուսաստանի պատերազմի հարցում, ապա ստիպված կլինի դիմակայել հետևանքներին։
«Մասնավորապես, մենք կարող ենք խոսել տնտեսական պատժամիջոցների մասին՝ ի պատասխան այն բանի, որ Չինաստանը կիսում է բազմաթիվ տեխնոլոգիաներ, ինչպիսիք են միկրոէլեկտրոնիկան, որոնք առանցքային են Ռուսաստանի համար հրթիռների և զենքերի ստեղծման գործում, որոնք նա օգտագործում է Ուկրաինայի դեմ»,- BBC-ին տված հարցազրույցում ասել էր Ստոլտենբերգը։
Չինաստանը չի մասնակցել շաբաթավերջին Շվեյցարիայում կայացած խաղաղության գագաթնաժողովին, որը նախաձեռնել էր Ուկրաինան՝ քննարկելու Կիևի առաջարկած «խաղաղության բանաձևը»։ Ռուսաստանը դրան հրավիրված չէր։
