23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Պուտինը Հյուսիսային Կորեա և Վիետնամ կայցելի
Քաղաքականություն
17.06.2024 | 22:06
ՌԴ նախագահ Վլադիմիր Պուտինը Հյուսիսային Կորեայի առաջնորդ Կիմ Չեն Ընի հրավերով հունիսի 18-19-ը կայցելի ԿԺԴՀ։ ՌԲԿ-ի փոխանցամբ՝ այս մասին հայտնում է Կրեմլը։
Նշվում է, որ դրանից հետո՝ հունիսի 19-20-ը, Պուտինը կայցելի Վիետնամ։ Բանակցությունների արդյունքում նախատեսվում է համատեղ հայտարարություն և մի շարք երկկողմ փաստաթղթերի ստորագրում։ Պուտինը Վիետնամ կժամանի երկրի Կոմունիստական կուսակցության կենտրոնական կոմիտեի գլխավոր քարտուղար Նգուեն Ֆու Չոնգի հրավերով։
Հանոյում նախատեսված են հանդիպումներ Վիետնամի նախագահ Նգուեն Ֆու Չոնգի, երկրի վարչապետ Ֆամ Մին Թինի և Ազգային ժողովի նախագահ Տրան Թան Մանի հետ։ Կողմերը կքննարկեն Ռուսաստանի և Վիետնամի միջև ռազմավարական գործընկերության վիճակը և հետագա զարգացման հեռանկարները գիտական, տեխնոլոգիական, առևտրային, տնտեսական և հումանիտար ոլորտներում։
Վերջին անգամ Պուտինը Հյուսիսային Կորեա էր այցելել նախագահության առաջին ժամկետում՝ 2000 թվականին։ Այդ ժամանակ Հյուսիսային Կորեայի առաջնորդն Կիմ Չեն Իրն էր՝ պետության գործող ղեկավարի հայրը:
2023 թվականի սեպտեմբերին Հյուսիսային Կորեայի առաջնորդ Կիմ Չեն Ընը Ռուսաստան կատարած այցի ժամանակ էր Պուտինին հրավիրել այցելել երկիր։ Բանակցություններից հետո Պուտինը հայտարարել էր Ռուսաստանի և ԿԺԴՀ-ի միջև ռազմատեխնիկական համագործակցության հեռանկարների մասին։
