11.08.2026 | 12:20
Մեսին բաց կթողնի «Ինտեր Մայամիի» առաջիկա խաղերը
Հնդկաստանում սողանքը 9 մարդու կյանք է խլել
Քաղաքականություն
14.06.2024 | 21:44
Հնդկաստանի հյուսիսային Սիկկիմ նահանգում անձրևների հետևանքով առաջացած զանգվածային սողանքների հետևանքով զոհվել է առնվազն 9 մարդ, շուրջ 2000 զբոսաշրջիկ արգելափակված է մնացել հեղեղված ճանապարհների և ավերված կամուրջների պատճառով: Այս մասին հայտնում է Hindustan Times-ը։
Նահանգի առավել տուժած հյուսիսային շրջանում՝ Չինաստանի հետ սահմանին, վերջին 24 ժամվա ընթացքում տեղումների քանակը գերազանցել է 220 մմ, մնացած հինգ շրջաններում տեղումները եղել են 30-50 մմ, ինչը նույնպես բավականին բարձր ցուցանիշ է:
Անցած կիրակիից Սիկկիմում շարունակվում են հորդառատ անձրևները։ Շաբաթվա սկզբին ամեն օր գրանցվել են ավելի քան 100 մմ տեղումներ, որոնք առաջացրել են ջրհեղեղներ և լայնածավալ սողանքներ լեռնային նահանգում։
Տեղի իշխանությունների տվյալներով՝ եղանակային վատ պայմանների հետևանքով շրջանի բազմաթիվ ճանապարհներ հեղեղվել և արգելափակվել են, այդ թվում՝ մի քանի հիմնական մայրուղիներ, վնասվել են էլեկտրահաղորդման գծեր և ջրատարներ, տասնյակ տներ և տնային տնտեսություններ հեղեղվել են։
