24.06.2026 | 10:07
Նավթի գները նվազել են
Ադրբեջանն ու Չինաստանը ռազմական համագործակցության հարցեր են քննարկել
Քաղաքականություն
14.06.2024 | 16:07
Ադրբեջանի պաշտպանության նախարար Զաքիր Հասանովն ընդունել է այցով Բաքվում գտնվող Չինաստանի Ժողովրդական-ազատագրական բանակի միջազգային ռազմական համագործակցության գլխավոր վարչության պետի տեղակալ, գեներալ-մայոր Յաո Գինի գլխավորած պատվիրակությանը։
Ադրբեջանի ՊՆ-ի հաղորդմամբ՝ հանդիպմանը Հասանովը համոզմունք է հայտնել, որ այս այցը ներդրում կունենա երկու երկրների ռազմական համագործակցության մեջ։ Անդրադառնալով Արցախի դեմ ռազմական ագրեսիային և էթնիկ զտմանը՝ նա հայտարարել է, թե «առանց խաղաղ բնակչությանը և ենթակառուցվածքներին վնաս պատճառելու՝ Ադրբեջանի տարածքային ամբողջականությունը լիովին ապահովվել է»։
Հասանովը չինացի հյուրին տեղեկացրել է ադրբեջանա-հայկական սահմանի օպերատիվ պայմանների մասին։
Յաո Գինն Ադրբեջանի պաշտպանության նախարարին հրավիրել է սեպտեմբերին Պեկինում կայանալիք Սյանշանի 11-րդ համաժողովին։ Նշվել է, որ Չինաստանը միշտ պատրաստ է աջակցել Ադրբեջանին՝ տարածաշրջանում խաղաղություն և կայունություն ապահովելու համար։
Հանդիպմանը քննարկվել են նաև ռազմական, ռազմատեխնիկական և ռազմական ոլորտներում փոխադարձ հետաքրքրություն ներկայացնող հարցեր։
