09.09.2026 | 22:33
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
ԱՄՆ-ը կարևորում է ՀՀ-ի հետ ընդլայնված երկկողմ համագործակցությունը և ողջունում է միացումը NASA-ի Artemis համաձայնագրին. Պետդեպ
Քաղաքականություն
13.06.2024 | 22:12
Վաշինգտոնում NASA-ի կենտրոնակայանում տեղի ունեցած արարողության ժամանակ Հայաստանը դարձել է Artemis համաձայնագրի 43-րդ ստորագրողը, ասվում է ԱՄՆ Պետքարտուղարության հայտարարության մեջ։
Նշվում է, որ Artemis համաձայնագիրը ստեղծվել է 2020 թվականին Միացյալ Նահանգների և յոթ այլ երկրների կողմից՝ սահմանելու սկզբունքների գործնական փաթեթը, որոնք կառաջնորդեն տիեզերքի ուսումնասիրությունն ու օգտագործումը:
«Միացյալ Նահանգները կարևորում է Հայաստանի հետ ընդլայնված երկկողմ համագործակցությունը և աջակցում է վարչապետ Փաշինյանի ջանքերին՝ ուղղված Հայաստանի և Հարավային Կովկասի տարածաշրջանի խաղաղությանն ու բարգավաճմանը»,- ասվում է հայտարարության մեջ։
ԱՄՆ-ը ողջունում է Հայաստանի միացումը 42 այլ երկրներին, որոնք են՝ Անգոլա, Արգենտինա, Ավստրալիա, Բահրեյն, Բելգիա, Բրազիլիա, Բուլղարիա, Կանադա, Կոլումբիա, Չեխիա, Էկվադոր, Ֆրանսիա, Գերմանիա, Հունաստան, Իսլանդիա, Հնդկաստան, Իսրայել, Իտալիա, Ճապոնիա, Լիտվա,Լյուքսեմբուրգ, Մեքսիկա, Նիդեռլանդներ, Նոր Զելանդիա, Նիգերիա, Պերու, Լեհաստան, Կորեայի Հանրապետություն, Ռումինիա, Ռուանդա, Սաուդյան Արաբիա, Սինգապուր, Սլովակիա, Սլովենիա, Իսպանիա, Շվեդիա, Շվեյցարիա, Ուկրաինա, Արաբական Միացյալ Էմիրություններ, Միացյալ Թագավորություն, Միացյալ Նահանգներ և Ուրուգվայ՝ հաստատելով համաձայնագրերի սկզբունքները կայուն քաղաքացիական տիեզերական գործունեության համար։
