12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Վալերի Օսիպյանը՝ Հյուսիսային պողոտայից երաժիշտներին հեռացնելու մասին. ՏԵՍԱՆՅՈՒԹ
Հասարակություն
30.08.2018 | 15:45
Ոստիկանապետ Վալերի Օսիպյանն այն համոզման է, որ Հյուսիսային պողոտայում փողոցային երաժիշտներին ծեծի ենթարկելու հարցում ծառայողական քննություն անցկացնելու անհրաժեշտություն չկա․«Ամեն ինչ եղել է օրենքի սահմաններում»,- այսօր լրագրողների հետ զրույցում ասաց Վալերի Օսիպյանը։
Վերջինս նկատեց, որ ուկրաինացի երաժիշտների միջադեպի հետ կապված եղել է ահազանգ, պարզվել է, որ նրանք եղել են ոչ սթափ վիճակում, նրանց տեղափոխել են ոստիկանության բաժին, իսկ սահմանված ժամկետի ավարտից հետո նրանց ազատ են արձակել։
Վալերի Օսիպյանը նաև նկատեց, որ այսօր ոստիկաններին հանձնարարական է տվել՝ երաժիշտներին զգուշացնել, որ երաժշտության ձայնը չլինի շատ բարձր։
Խոսելով ոստիկանների կողմից բիրտ ուժ կիրառելու մասին՝ Վալերի Օսիպյանը նկատեց․ «Ֆիզիկական ուժ գործադրելը կարգավորվում է օրենքով։ Ոստիկանը ցանկալի է այն քաղաքացիների համար, որոնք օրենք են հարգում, հարգում են ոստիկանին և համազգեստը, իսկ այն քաղաքացիները, ովքեր օրինազանց են, ոստիկաններն իրենց համար ցանկալի չեն»։
Մանրամասները՝ տեսանյութում։
