07.10.2026 | 15:26
«Ռոսատոմը» հաստատել է՝ հայկական ԱԷԿ-ը մինչև 2031 թվականը պատրաստ կլինի անվտանգ շահագործման
Էրդողանը 18 տարվա մեջ առաջին անգամ այցելել է գլխավոր ընդդիմադիր կուսակցության կենտրոնակայան
Քաղաքականություն
11.06.2024 | 23:30
Թուրքիայի նախագահ Ռեջեփ Թայիփ Էրդողանը 18 տարի անց այցելել է գլխավոր ընդդիմադիր Ժողովրդհանրապետական կուսակցության՝ CHP-ի կենտրոնակայան, հայտնում են թուրքական լրատվամիջոցները։
Էրդողանին CHP-ի կենտրոնակայանի առջև դիմավորել է կուսակցության ղեկավար Օզգյուր Օզելը։ Էրդողանն ու Օզելը լուսանկարվել են մամուլի ներկայացուցիչների համար, այնուհետև մեկնարկել է կողմերի հանդիպումը։ Ակնկալվում է, որ Էրդողանն օրակարգ է բերելու նոր Սահմանադրության հարցը, որի մասին երկար ժամանակ խոսում է, իսկ Օզելը՝ տնտեսական զարգացումները։
Էրդողանը վերջին անգամ այցելել էր CHP-ի այն ժամանակվա նախագահ Դենիզ Բայկալին 18 տարի առաջ՝ վարչապետի պաշտոնում։ Նա մասնակցել էր կուսակցության գլխավոր շտաբի նոր շենքի բացման համար։
Մինչ այս, մայիսի 2-ին էլ Էրդողանն ԱԶԿ-ի կենտրոնակայանում էր ընդունել CHP-ի նախագահ Օզգուր Օզելին։
Նշենք, որ Թուրքիայում մարտի 31-ին անցկացված ՏԻՄ ընտրություններում ընդդիմադիր Ժողովրդահանրապետական կուսակցությունը (CHP) պատմական հաղթանակ է գրանցել, իսկ Էրդողանի գլխավորած կուսակցությունը, 2002 թվականին իշխանության գալուց ի վեր, ամենամեծ պարտությունը։ CHP-ն հավաքել է ձայների ավելի քան 37,76 տոկոսը, ԱԶԿ-ն՝ 35,48 տոկոսը։
Էմմա Չոբանյան
