11.08.2026 | 20:57
Հունգարիան նոր նախագահ ունի
Ադրբեջանում առաջարկում են օրենքով արգելել արյունակից ազգականների ամուսնությունները
Քաղաքականություն
11.06.2024 | 23:04
Ադրբեջանում առաջարկում են արգելել մերձավոր ազգականների միջև ամուսնությունները։ Ադրբեջանական լրատվամիջոցների հաղորդմամբ՝ դա արտացոլված է Ընտանեկան օրենսգրքում առաջարկվող փոփոխություններում, որն այսօր քննարկվել է Միլլի Մեջլիսի ընտանիքի, կանանց և երեխաների հարցերով հանձնաժողովի նիստում։
Առաջարկվում են ամուսնության մի շարք սահմանափակումներ։ Մասնավորապես, դրանք վերաբերում են արյունակից ազգականների ամուսնություններին, քանի որ նման ամուսնություններում ծնված երեխաների մոտ գենետիկ հիվանդությունների վտանգը շատ բարձր է։ Այս խնդիրը լուծելու համար Ընտանեկան օրենսգրքի 12-րդ հոդվածը սահմանում է նոր նորմեր, որոնք թույլ չեն տա մերձավոր ազգականների, ինչպես նաև եղբայրների և քույրերի ամուսնությունները, ովքեր ունեն ընդհանուր կենսաբանական պապ կամ տատ:
Հարկադիր ամուսնության կամ վաղաժամ ամուսնության համար էլ պատիժ է սահմանվում։
Նոր փոփոխություններով՝ տուգանքներ են սահմանելու նաև այն ծնողների համար, որոնք կազմակերպում են մինչև 16 տարեկան երեխաների ամուսնությունը։
Էմմա Չոբանյան
