24.06.2026 | 02:07
ԱԱ-2026. Անգլիան ոչ-ոքի խաղաց Գանայի հետ. ՏԵՍԱՆՅՈՒԹ
Էրդողանն ու Ալիևը երկկողմ համագործակցությունն ու տարածաշրջանային հարցեր են քննարկել
Քաղաքականություն
10.06.2024 | 19:56
Ադրբեջանի նախագահ Իլհամ Ալիևն ու Թուրքիայի նախագահ Ռեջեփ Թայիփ Էրդողանը Անկարայում տեղի ունեցած հանդիպմանը գոհունակությամբ ընդգծել են, որ երկու երկրների միջև եղբայրական, բարեկամական և դաշնակցային հարաբերությունները հաջողությամբ զարգանում են բոլոր ոլորտներում։
Հանդիպմանը քննարկվել են էներգետիկայի, տրանսպորտի, տնտեսական, առևտրային հարաբերությունների ընդլայնման, պաշտպանության, ռազմական արդյունաբերության և այլ ոլորտներում երկու երկրների համագործակցության հարցերը։ Հատկապես նշվել է Բաքու-Թբիլիսի-Կարս երկաթուղու հնարավորությունների ընդլայնումը, ընդգծվել է Միջին միջանցքի զարգացման հետ կապված երկու երկրների համատեղ աշխատանքի կարևորությունը։
Մեկ անգամ ևս ընդգծվել է Թյուրքական պետությունների կազմակերպության և երկու երկրների միջև համագործակցության հետագա զարգացման և Արցախի Շուշի քաղաքում կայանալիք կազմակերպության ոչ պաշտոնական գագաթնաժողովի կարևորությունը։ Էրդողանը հայտարարել է, որ մասնակցելու է Շուշիում կայանալիք ոչ պաշտոնական գագաթնաժողովին և շնորհավորել է Ադրբեջանին COP29-ի անցկացման կապակցությամբ։
«Հանդիպմանը մտքեր են փոխանակվել նաև տարածաշրջանային և միջազգային հարցերի շուրջ»,- ասվում է տարածված հաղորդագրությունում։
Էմմա Չոբանյան
