01.11.2024 | 10:33
Պիստակներում թաքցված թմրամիջոց․ Իրանի քաղաքացիներ են ձերբակալվել
Ադրբեջանցի զինծառայողի կողմից ՀՀ պետական սահմանի հնարավոր հատման դեպքի վերաբերյալ ԱԱԾ-ում փաստական տվյալներ չկան
10.06.2024 | 16:34
Ադրբեջանցի զինծառայողի կողմից ՀՀ պետական սահմանը հնարավոր հատելու դեպքի վերաբերյալ ԱԱԾ-ում փաստական տվյալներ չկան, այս մասին Factor.am-ին փոխանցեցին գերատեսչությունից՝ հայտնելով, որ նոր տեղեկատվություն ունենալու դեպքում՝ լրացուցիչ կպարզաբանեն։
Հիշեցնենք՝ Ադրբեջանի ՊՆ-ն հայտնել էր, թե ադրբեջանցի զինծառայող է Նախիջևանի Սադարակ շրջանի Գյունուտ գյուղի հատվածից անհայտ պայմաններում անհետ կորել։
Հայաստանի հետ սահմանին ադրբեջանցի զինծառայող է կորել․Ադրբեջանի ՊՆ
Ֆեյսբուքում որոշ օգտատերեր գրել էին, որ ադրբեջանցի զինվոր է անցել Հայաստանի սահման՝ Վայոց ձորի (Արենի) հատվածից, նրան ձերբակալել են։
Ադրբեջանցի զինվորի Հայաստանի պետական սահմանն անցնելու վերաբերյալ լրագրողները փորձել էին տեղեկություն ստանալ ԱԺ նախագահ Ալեն Սիմոնյանից։
Հարցին ի պատասխան Ալեն Սիմոնյանն ասել է․ «Իսկ ո՞վ ասաց, ծանո՞թ եք իր հետ։ Զինվորն անհետացել է, իսկ ի՞նչ գիտեք, կարող է եկել է ու հանձնվել մեզ, կարող է մոլորվել է, կարող է գերի ենք վերցրել»։
