23.02.2026 | 20:00
Իրանի դեմ ԱՄՆ-ի ռազմական գործողությունների վտանգը մեծ է․ դիվանագիտական գործարքի շանսը նվազ է․ Արմեն Պետրոսյան․ ՏԵՍԱՆՅՈՒԹ
Ղազախստանը դեռևս դիտարկում է Ուկրաինայի հարցով Խաղաղության գագաթնաժողովին մասնակցության հարցը
Քաղաքականություն
10.06.2024 | 16:50
Ղազախստանը դեռևս չի որոշել՝ արդյո՞ք կմասնակցի Ուկրաինայի հարցով խաղաղության գագաթնաժողովին, որը տեղի կունենա հունիսի 15-16-ը Շվեյցարիայում։ Այս մասին հայտարարել է Ղազախստանի արտաքին գործերի նախարարության պաշտոնական ներկայացուցիչ Այբեկ Սմադիարովը, փոխանցում է Interfax-Ukraine-ը։
«Մեր պետության մասնակցությունն այս գագաթնաժողովին դեռևս հայտնի չէ»,- ասել է նա լրագրողներին։
Ավելի վաղ երկրի ԱԳՆ-ն հայտարարել էր, որ Ղազախստանի մասնակցությունը գագաթնաժողովին կդիտարկվի՝ հաշվի առնելով միջազգային միջոցառումների ժամանակացույցը և այդ հարցում երկրի պաշտոնական դիրքորոշումը։
Հիշեցնենք՝ Շվեյցարիայի նախագահ Վիոլա Ամհերդը հայտնել էր, որ Ուկրաինայի հարցով համաժողովին մասնակցելու համար գրանցվել է 90 պետություն։ Այն տեղի կունենա Շվեյցարիայի Բյուրգենստոկ քաղաքում հունիսի 15-16-ը։
