30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Շվեյցարիայում Ուկրաինայի խաղաղության հարցով գագաթնաժողովին մասնակցելու համար գրանցվել է 90 երկիր
Քաղաքականություն
10.06.2024 | 14:18
Շվեյցարիայի նախագահ Վիոլա Ամհերդը հայտնել է, որ Ուկրաինայի հարցով համաժողովին մասնակցելու համար գրանցվել է 90 պետություն։ Այն տեղի կունենա Շվեյցարիայի Բյուրգենստոկ քաղաքում հունիսի 15-16-ը, գրում է Reuters-ը։
«Այսօրվա դրությամբ՝ գրանցվել է 90 երկիր, որոնց կեսը Եվրոպայից և Հյուսիսային Ամերիկայից են, մյուս կեսը՝ Հարավային Ամերիկայից, Աֆրիկայից, Մերձավոր Արևելքից և Ասիայից»,- ասել է Ամհերդը։
Ընդհանուր առմամբ, հանդիպմանը հրավիրվել են ավելի քան 120 պետություններ, այդ թվում՝ G7-ի, BRICS-ի և G20-ի ներկայացուցիչներ:
Ռուսաստանը գագաթնաժողովին հրավիրված չէ, ինչի պատճառով էլ Կրեմլն անօգուտ է որակել առաջիկա իրադարձությունը։ Չինաստանը հրաժարվել է մասնակցել գագաթնաժողովին՝ պնդելով Ռուսաստանի մասնակցության անհրաժեշտությունը։ Բրազիլիայի նախագահ Լուիս Ինասիո Լուլա դա Սիլվան իր փոխարեն դեսպանի կուղարկի, ներկա չի լինի նաև Արգենտինայի նախագահ Խավիեր Մայլին։ ԱՄՆ նախագահ Ջո Բայդենը նույնպես բաց կթողնի միջոցառումը։ Նրա փոխարեն հավաքին կմասնակցի փոխնախագահ Քամալա Հարիսը։
