11.08.2026 | 11:42
Էմին Օհանյանը՝ շախմատի Եվրոպայի Մ-20 առաջնության միանձնյա առաջատար
Գերմանիայում Եվրախորհրդարանի ընտրություններում առաջատար են պահպանողականները
Քաղաքականություն
09.06.2024 | 21:40
Ըստ exit poll-ի՝ Գերմանիայում Եվրախորհրդարանի ընտրություններում հաղթել է ընդդիմադիր պահպանողական դաշինքը։ Քրիստոնեա-դեմոկրատական միությունը (CDU) և Քրիստոնեա-սոցիալական միությունը (CSU) հավաքել են ձայների 29,5 տոկոսը հունիսի 9-ին տեղի ունեցած քվեարկության ժամանակ, հայտնում է Infratest Dimap-ը, կիրակի՝ հունիսի 9-ի երեկոյան, ընտրատեղամասերը փակվելուց հետո։
Երկրորդ տեղում է աջ պոպուլիստական «Այլընտրանք Գերմանիայի համար» (AfD) կուսակցությունը, որը, ըստ exit poll-ի, ստացել է 16,5 տոկոսը։ Գերմանիայի իշխող կոալիցիայի ամենամեծ կուսակցությունը՝ Գերմանիայի սոցիալ-դեմոկրատական կուսակցությունը (SPD), հավաքել է 14,0 տոկոս:
Նախնական տվյալներով՝ ընտրություններին մասնակցությունը կազմել է 64,0 տոկոս, ինչը գերազանցում է 2019 թվականի նախորդ ընտրությունների արդյունքը (61,4 տոկոս)։
