25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Աջակցում ենք ՀՀ-ին և Ադրբեջանին հնարավորինս շուտ խաղաղության համաձայնագիր կնքելու հարցում՝ ի շահ տարածաշրջանի․ ԱՄՆ Պետքարտուղարություն
Քաղաքականություն
07.06.2024 | 12:37
Միացյալ Նահանգները պատրաստ է աջակցել ցանկացած գործընթացի, որը խաղաղություն և կայունություն կբերի Հարավային Կովկասի ժողովուրդներին։ Այս մասին հայտարարել է ԱՄՆ Պետքարտուղարության ներկայացուցիչը ադրբեջանական Report գործակալությանն հարցմանն ի պատասխան՝ կապված Ադրբեջանի և Հայաստանի միջև կայուն խաղաղության հասնելու ուղղությամբ ԱՄՆ-ի ջանքերի հետ։
Պաշտոնյան ընդգծել է, որ պետքարտուղար Էնթոնի Բլինքենը, ինչպես նաև երկրի մի շարք այլ պաշտոնյաներ մշտական կապի մեջ են ինչպես Հայաստանի, այնպես էլ Ադրբեջանի կառավարությունների բարձրաստիճան պաշտոնյաների հետ:
«Միացյալ Նահանգները հանձնառու է աջակցել Հայաստանին և Ադրբեջանին խաղաղության համաձայնագրին հասնելու ուղղությամբ նրանց աշխատանքում: Մեզ ոգևորում է Հայաստանի և Ադրբեջանի միջև մինչ այժմ գրանցված առաջընթացը, և մենք աջակցում ենք երկու երկրներին հնարավորինս շուտ խաղաղության համաձայնագիր կնքելու հարցում՝ ի շահ տարածաշրջանի»,- ասվում է պատասխանում։
Պետքարտուղարության պաշտոնյան ասել է, որ իրենք ողջունում են սահմանազատման գործընթացի վերաբերյալ Բաքվի և Երևանի միջև ձեռք բերված համաձայնությունը։
«Մենք ողջունում ենք Ալմա-Աթայի հռչակագրի հիման վրա սահմանների սահմանազատման շարունակական առաջընթացը: Սա կարևոր քայլ է Հայաստանի և Ադրբեջանի միջև կայուն և արժանապատիվ խաղաղության համաձայնագրի կնքման ուղղությամբ»,- ասել է նա։
