11.08.2026 | 11:42
Էմին Օհանյանը՝ շախմատի Եվրոպայի Մ-20 առաջնության միանձնյա առաջատար
ԱՄՆ-ը վիզային սահմանափակումներ է մտցրել Վրաստանի պատգամավորների և պաշտոնյաների նկատմամբ, որոնք կապված են «օտարերկրյա գործակալների» մասին օրենքի ընդունման հետ
Քաղաքականություն
07.06.2024 | 11:22
ԱՄՆ-ը վիզային պատժամիջոցներ է սահմանել Վրաստանի մի քանի տասնյակ քաղաքացիների, այդ թվում՝ խորհրդարանի անդամների և երկրի կառավարության անդամների նկատմամբ, որոնք ներգրավված են «Օտարերկրյա ազդեցության թափանցիկության մասին» օրենքի ընդունման գործում: Այս մասին հայտարարել է ԱՄՆ Պետքարտուղարության խոսնակ Մեթյու Միլլերը, գրում է Current time-ը։
Վիզային սահմանափակումների ցուցակում են իշխող «Վրացական երազանք» կուսակցության անդամները, խորհրդարանի պատգամավորները, իրավապահները և Վրաստանի մի շարք այլ քաղաքացիներ։ Սահմանափակումներ, ըստ Միլլերի, կիրառվում են ոչ միայն պատգամավորների ու պետական պաշտոնյաների, այլև նրանց ընտանիքների անդամների նկատմամբ։
Ավելի վաղ ԱՄՆ պետքարտուղար Էնթոնի Բլինքենը հայտարարել էր, որ վիզային սահմանափակումներ են մտցվելու Վրաստանում ժողովրդավարությունը տապալելու կամ դրանում ներգրավված անձանց, ինչպես նաև նրանց ընտանիքների անդամների նկատմամբ։
«Յուրաքանչյուր ոք, ով խաթարում է Վրաստանում ժողովրդավարական գործընթացները կամ ինստիտուտները, ներառյալ 2024 թվականի հոկտեմբերին կայանալիք ընտրություններին նախորդող ժամանակահատվածում, դրա ժամանակ կամ դրանից հետո, կարող է համարվել ԱՄՆ վիզաների համար անընդունելի և արգելվել նրանց այցը Միացյալ Նահանգներ»,- ասել էր Բլինքենը:
Նա հավելել էր, որ ԱՄՆ-ը մտադիր է նաև սկսել վերանայել Վրաստանի հետ երկկողմ համագործակցությունը։
